«قازاقستاننىڭ 100 جاڭا ەسىمى» جوباسىنا ۇمىتكەرلەر ءۇشىن داۋىس بەرۋ 25 ناۋرىز بەن 12 ءساۋىر ارالىعىندا https://100janaesim.ruh.kz پورتالىندا ءوتتى. مونيتورينگ بارىسىندا بەلگىلى ءبىر ۇمىتكەرلەرگە قىسقا ۋاقىت ىشىندە كوپ داۋىس بەرىلگەنى انىقتالعان.
ماسەلەن، داۋىستاردى بۇرمالاۋ تاسىلدەرىنىڭ ءبىرى https://profitcentr.com، https://socpublic.com، https://qcomment.ru، https://golospobed.ru جانە ت.ب. (سكرينشوتتاردىڭ كوشىرمەلەرى قوسا بەرىلەدى) مامانداندىرىلعان پورتالداردا اقىلى نەگىزدە داۋىس بەرۋ تۋرالى ءوتىنىش بولدى. سايتتىڭ لوگ-فايلىندا دەربەس پوشتاعا جاتپايتىن ءتۇرلى ەلەكتروندىق مەكەن-جايلاردان داۋىستاردىڭ كوپ كولەمدەگى كۇدىكتى اعىمى كورسەتىلگەن، مىسالى zywmd@list.ru، w7a5u45cjfzw8fz@bk.ru جانە ت.ب.
قۇقىق بۇزۋشىلىقتار نەمەسە وزگە بۇرمالاۋشىلىقتار، ونىڭ ىشىندە ونلاين-داۋىس بەرۋ كەزىندە داۋىستاردى بۇراۋ انىقتالعان جاعدايدا، ۇيىمداستىرۋشىلار قاتىسۋشىنى جوبادان شىعارۋ قۇقىعىن پايدالانادى. وسىعان بايلانىستى جوباعا قاتىسۋعا ءوتىنىم بەرگەن ءبىرقاتار ۇمىتكەر شىعارىلدى.
«قازاقستاننىڭ 100 جاڭا ەسىمى» جوباسى «رۋحاني جاڭعىرۋ» باعدارلاماسى اياسىندا جۇزەگە اسىرىلىپ جاتقانى بەلگىلى. جوبا زاماناۋي قازاقستاندى بەينەلەگەن تابىستى ادامداردىڭ تاريحىن، ولاردىڭ ءتۇرلى سالالارداعى جەتىستىكتەرىن كورسەتەدى.
بايقاۋ 2017 جىلدان بەرى وتكىزىلىپ كەلەدى، بيىل 4ء-شى ماۋسىم اياقتالادى. 2021 جىلى قاتىسۋعا 2790 قازاقستاندىق ءوتىنىم بەردى. داۋىس بەرۋ كەزىندە ەڭ كوپ ۇپاي جيناعان جانە كورنەكتى قوعام قايراتكەرلەرىنەن، مادەنيەت، سپورت وكىلدەرىنەن جانە كاسىپكەرلەردەن تۇراتىن بەدەلدى قازىلار القاسى ىرىكتەگەن قاتىسۋشىلار جوبانىڭ جەڭىمپازدارى بولادى. 2021 جىلى قازىلار القاسىنىڭ قۇرامىندا جوبانىڭ وتكەن جىلدارداعى جەڭىمپازدارى دا بار.
