قازاقستاننىڭ جاڭا باس مٷفتيٸ سايلاندى
بٷگٸن الماتى قالاسىندا قازاقستان مۇسىلماندارىنىڭ كەزەكتٸ VIII قۇرىلتايى ٶتتٸ. قۇرىلتاي جۇمىسىنا دٸن ٸستەرٸ جەنە ازاماتتىق قوعام مينيسترٸ نۇرلان ەرمەكباەۆ, قازاقستان مۇسىلماندارى دٸني باسقارماسى تٶرالقا مٷشەلەرٸ, عۇلامالار كەڭەسٸنٸڭ مٷشەلەرٸ, تەولوگ-عالىمدار, زييالى قاۋىم ٶكٸلدەرٸ, ەلٸمٸزدٸڭ ەر وبلىسىنان كەلگەن قۇرىلتاي دەلەگاتتارى قاتىستى.
قۇرىلتايدا قازاقستان مۇسىلماندارى دٸني باسقارماسىنىڭ 2013-2017 جىلدار ارالىعىندا اتقارعان ٸس-شارالارىنىڭ ەسەبٸ تىڭدالدى.
قمدب تٶراعاسى ەرجان قاجى مالعاجىۇلى باس مٷفتي لاۋازىمىنا نايب مٷفتي سەرٸكباي قاجى ورازدىڭ كانديداتۋراسىن ۇسىندى.
– قۇرمەتتٸ قۇرىلتاي دەلەگاتتارى, وسىدان 5 جىل بۇرىن باس مٷفتي قىزمەتٸنە سايلانعانىمدا بۇل اماناتتى ابىرويمەن اتقارىپ شىعۋدى اللادان سۇراپ ەدٸم. سٸزدەرمەن بٸرگە كٶپتەگەن اۋقىمدى ٸس-شارالاردى اتقاردىق. بۇل اماناتتى ورىنباسارىم سەرٸكباي قاجى ورازعا تاپسىرۋعا شەشٸم قابىلدادىم. ول 20 جىلدان استام دٸني سالادا قىزمەت ەتٸپ كەلەدٸ. دٸني باسقارما تاريحىندا ٷش مٷفتيدٸڭ كەزەڭٸندە بەلسەندٸلٸگٸمەن كٶزگە تٷستٸ. ونىڭ يدەياسى مەن ٸسكەرلٸگٸنٸڭ ارقاسىندا كٶپتەگەن يگٸ جوبالار جٷزەگە استى. سەرٸكباي قاجى وراز باس مٷفتي قىزمەتٸن جوعارى دەڭگەيدە اتقارادى دەگەن سەنٸمدەمٸن. سٸزدەر دە بۇل ويىمدى قۇپتايسىزدار دەپ ويلايمىن, – دەپ اتاپ ٶتتٸ ول.
قۇرىلتايعا جينالعان 300 دەلەگات سەرٸكباي قاجى ورازعا داۋىس بەرٸپ, بٸراۋىزدان باس مٷفتي لاۋازىمىنا سايلادى.
سەرٸكباي ساتىبالدىۇلى قۇرىلتاي دەلەگاتى الدىندا دٸني سالادا ايانباي قىزمەت ەتۋگە سەنٸم بٸلدٸردٸ.
دەرەككٶزٸ: sputniknews.kz
