قازاقستاننىڭ ءبىرقاتار وڭىرىندە قولايسىز اۋا رايى بولادى. سينوپتيكتەردىڭ مالىمەتىنشە، تۇمان ءتۇسىپ، كوكتايعاق بولىپ، جەل كۇشەيەدى. وسىعان بايلانىستى داۋىلدى ەسكەرتۋ جاريالاندى، دەپ حابارلايدى Dalanews.kz.
استانادا تۇمان ءتۇسىپ، كوكتايعاق قالىپتاسۋى مۇمكىن.
باتىس قازاقستان وبلىسىندا جانە ورال قالاسىندا دا تۇمان مەن كوكتايعاق بولجانادى.
اباي، جەتىسۋ، شىعىس قازاقستان وبلىستارىندا، سونداي-اق اقتاۋدا جەلدىڭ جىلدامدىعى 15–18 م/س دەيىن كۇشەيىپ، تۇمان تۇسەدى.
اقتوبە، ماڭعىستاۋ جانە جامبىل وبلىستارىنىڭ جەكەلەگەن اۋماقتارىندا قار جاۋىپ، بۇرقاسىن سوعادى. سونىمەن قاتار كوكتايعاق بولىپ، تۇمان ءتۇسىپ، جەل ەكپىنى 15–20 م/س دەيىن جەتۋى مۇمكىن.
سەمەي، تاراز، تالدىقورعان، تۇركىستان، قىزىلوردا، شىمكەنت جانە وسكەمەن قالالارى مەن وبلىستاردىڭ كەي ايماقتارىندا دا تۇمان تۇسەدى.
