بۇل تۋرالى وزبەكستان پرەمەر-مينيسترىنىڭ ءبىرىنشى ورىنباسارى اچيلباي راماتوۆ ءمالىم ەتتى.
"قازىرگى ۋاقىتتا ءبىز وزبەكستان پرەزيدەنتىنىڭ قازاقستانعا رەسمي ساپارىنا بايلانىستى دايىندىق شارالارىن تىڭعىلىقتى جۇرگىزىپ جاتىرمىز. ءىس-ساپار تاياۋ اراعا جوسپارلانعان. بۇل وزبەكستاننىڭ جاڭا پرەزيدەنتىنىڭ قازاقستانعا جاساعان العاشقى ساپارى. مەنىڭ ويىمشا بۇل ەكى ەل اراسىنداعى ارىپتەستىكتى نىعايتا تۇسەدى"،- دەدى راماتوۆ.
ءىس-ساپاردىڭ مەرزىمى ءالى ناقتى بەلگىلى ەمەس. بولجام بويىنشا ول 22-23 ناۋرىزعا جوسپارلانعان.
