گوردون قازاق ساياساتكەرٸنٸڭ كرەمل اگرەسسيياسىنا قاتىستى پٸكٸرٸن بٸلٸپتٸ.
مەسكەۋدٸڭ بٶگدە ەلگە باسىپ كٸرەرٸن مٷلدە كٷتپەگەنٸن ايتقان جەكٸشەۆ وسى ارقىلى ەلٸمٸزدەگٸ ورىستٸلدٸ ەليتانىڭ كٶزقاراسىن ورتاعا سالعان ەكەن.
– سوعىس باستالعان سەتتە, ٶز كٶزٸمە ٶزٸم سەنبەي, بٸر ىسىنىپ, بٸر سۋىندىم. رەسەي 1941 جىلعى فاشيستٸك گەرمانييانىڭ ەرەكەتٸن اينىتپاي قايتالادى. دەرەۋ ۋكراينادا تۇراتىن دوستارىما حابارلاسىپ, قال-جايىن سۇرادىم.
پۋتين ەشكٸمگە سوقتىقپاي, جاي جاتقان ەلگە سوقتىقتى. ونىڭ ويلاپ تاپقان سىلتاۋىنا قاراپ ەرٸكسٸز ەزۋ تارتاسىڭ. ناعىز "ناتسيستەر" رەسەيدٸڭ ٶزٸندە وتىر.
ۋكراينانىڭ پارلامەنتٸندە ورىستى جەر بەتٸنەن جويىپ جٸبەرۋگە ٷندەپ وتىرعان بٸردە بٸر پارتييا جوق. ولاردىڭ زەلەنسكيي تۋرالى ساندىراعىنا اقىل-ەسٸ تٷزۋ ادام سەنبەيدٸ, – دەيدٸ ول.
مۇحاڭنىڭ پايىمداۋىنشا, كيەۆ مەسكەۋگە قارسى كەلە الماي, تٸزە بٷككەن بولسا, كرەمل كەلەسٸ كەزەكتە قازاقستانعا اۋىز سالار ەدٸ.
– ۋكراينا پۋتين ايتقانداي 3 كٷننٸڭ ٸشٸندە بەرٸلگەن بولسا, جاڭا قازاقستان قازٸرگٸ كٷنٸ رەسەيدٸڭ بودانىندا بولار ەدٸ. بۇعان دايىن دەلەلٸم بار.
كرەمل يدەولوگتارى ورىس قوعامىن قازاقستانعا شابۋىل جاساۋعا دايىنداي باستادى. سوعىستىڭ قارساڭىندا زيۋگانوۆ باستاعان كوممۋنيستەر قازاقستانعا كٷيە جاعىپ, پروۆوكاتسيياعا تولى مەلٸمدەمە جاساعانىن ۇمىتا قويعان جوقپىز. كوممۋنيستەر قازاق بيلٸگٸنە اقىلعا سىيمايتىن ايىپ تاقتى. ورىستار قۋعىن-سٷرگٸن كٶرٸپ, ورىس تٸلٸ قىسىمعا ۇشىراۋدا دەپ قوڭىرسىدى.
وسىلايشا قازاقستانعا باسىپ كٸرۋدٸڭ العىشارتى جاسالىپ جاتقان ەدٸ. زەلەنسكيي باستاعان ۋكراين بيلٸگٸ پۋتيننٸڭ "بارباروسسا" جوسپارىن كٷل-پارشا ەتتٸ", – دەيدٸ جەكٸشەۆ.
كرەمل كٶسەمٸمەن جٷزدەسٸپ قانا قويماي, ونىڭ بەتٸن قايتارعان جەكٸشەۆ ساياساتقا ەندٸ اياق باسقان شاعىندا پۋتيننٸڭ جاسىق مٸنەزدٸ بولعانىن ايتادى.
– ونى ەڭ العاش ەلتسينمەن ٸلەسٸپ كەلگەن كەزدە كٶردٸم. نازارباەۆتىڭ استىنا كٶپشٸك تٶسەۋمەن بولدى. نازارباەۆتىڭ تۇلعاسىنا تامسانىپ, قول-اياعىن جەرگە تيگٸزبەي ماقتاعانىنا كۋە بولعانمىن.
كەيٸن پرەزيدەنت بولعانىندا قازاقستاندى رەسەيدٸڭ پروۆينتسيياسى دەپ قارايتىنىن اڭعاردىم. ونىڭ يمپەرلٸك امبيتسيياسى ەشقاشان جٷزەگە اسپايدى. ۋكراينانى كٷشپەن ۇستايمىن دەسە قاتەلەسەدٸ. رەسەيدٸڭ ەسكەري ٶندٸرٸستٸك كەشەنٸنە قارسى تۇرۋدا باتىستان كەلەتٸن كٶمەكتٸڭ مٶلشەرٸ ماڭىزدى, – دەيدٸ ساياساتكەر.
