قازاقستاندىقتاردىڭ بانكتەردەگٸ دەپوزيتتەرٸندە جيناعان قاراجاتى 30 ترلن تەڭگەگە جەتتٸ. سونىمەن قاتار ەلدەگٸ دەپوزيتتەردٸڭ دوللارلانۋ دەڭگەيٸ العاش رەت 20%-دان تٶمەن تٷسٸپ, تاريحي رەكورد جاڭارتتى, دەپ حابارلايدى dalanews.kz.
مامانداردىڭ مەلٸمەتٸنشە, 2026 جىلدىڭ ەكٸنشٸ توقسانىندا حالىقتىڭ شەتەل ۆاليۋتاسىنداعى سالىمدارى ايتارلىقتاي ٶزگەرمەگەن. الايدا ۇلتتىق ۆاليۋتاداعى دەپوزيتتەردٸڭ تارتىمدىلىعى ارتقان.
بۇعان تەڭگە باعامىنىڭ نىعايۋى مەن دەپوزيتتەر بويىنشا جوعارى سىياقى مٶلشەرلەمەلەرٸنٸڭ ساقتالۋى ەسەر ەتكەن. 2025 جىلدىڭ قازان ايىنان 2026 جىلدىڭ ماۋسىمىنا دەيٸن بازالىق مٶلشەرلەمە 18% دەڭگەيٸندە بولدى. بۇل ٶز كەزەگٸندە بانكتەردەگٸ سالىمداردى تيٸمدٸ قارجى قۇرالىنا اينالدىردى.
سونداي-اق بازالىق مٶلشەرلەمەنٸڭ 17%-عا دەيٸن تٶمەندەۋٸ مٷمكٸن دەگەن بولجام سالىمشىلاردىڭ بەلسەندٸلٸگٸن ارتتىرعان. كٶپتەگەن ازاماتتار بانكتەر سىياقى مٶلشەرلەمەلەرٸن تٶمەندەتٸپ ٷلگەرمەي تۇرىپ, قاراجاتىن بۇرىنعى تيٸمدٸ شارتتارمەن دەپوزيتكە سالۋعا اسىققان.
ساراپشىلاردىڭ ايتۋىنشا, حالىقتىڭ تەڭگەدەگٸ جيناقتارعا دەگەن سەنٸمٸنٸڭ ارتۋى قارجى نارىعىنداعى ماڭىزدى وڭ ٷردٸستەردٸڭ بٸرٸ بولىپ سانالادى.
