Qazaqstandyqtardyń bankterdegi depozitterinde jinaǵan qarajaty 30 trln teńgege jetti. Sonymen qatar eldegi depozitterdiń dollarlaný deńgeii alǵash ret 20%-dan tómen túsip, tarihi rekord jańartty, dep habarlaidy dalanews.kz.
Mamandardyń málimetinshe, 2026 jyldyń ekinshi toqsanynda halyqtyń shetel valiýtasyndaǵy salymdary aitarlyqtai ózgermegen. Alaida ulttyq valiýtadaǵy depozitterdiń tartymdylyǵy artqan.
Buǵan teńge baǵamynyń nyǵaiýy men depozitter boiynsha joǵary syiaqy mólsherlemeleriniń saqtalýy áser etken. 2025 jyldyń qazan aiynan 2026 jyldyń maýsymyna deiin bazalyq mólsherleme 18% deńgeiinde boldy. Bul óz kezeginde bankterdegi salymdardy tiimdi qarjy quralyna ainaldyrdy.
Sondai-aq bazalyq mólsherlemeniń 17%-ǵa deiin tómendeýi múmkin degen boljam salymshylardyń belsendiligin arttyrǵan. Kóptegen azamattar bankter syiaqy mólsherlemelerin tómendetip úlgermei turyp, qarajatyn burynǵy tiimdi sharttarmen depozitke salýǵa asyqqan.
Sarapshylardyń aitýynsha, halyqtyń teńgedegi jinaqtarǵa degen seniminiń artýy qarjy naryǵyndaǵy mańyzdy oń úrdisterdiń biri bolyp sanalady.
