استانادا تٶرت كٷن ٸشٸندە قازاقستاندىقتارعا شامامەن 150 مىڭ فيشينگتٸك SMS-حابارلاما جٸبەرٸپ, ولاردىڭ بانك دەرەكتەرٸن قولعا تٷسٸرۋگە ەرەكەتتەنگەن قىلمىستىق توپتىڭ جولى كەسٸلدٸ, دەپ حابارلايدى dalanews.kz.
پروكۋراتۋرانىڭ مەلٸمەتٸنشە, الاياقتىق سحەما وسى جىلدىڭ قاڭتار ايىندا پايدا بولعان. وڭتٷستٸك-شىعىس ازييا ەلدەرٸنٸڭ بٸرٸنٸڭ ازاماتى جەرگٸلٸكتٸ تۇرعىندى اقشاعا تارتىپ, كەيٸن ولارعا باسقا دا قاتىسۋشىلار قوسىلعان.
كٷدٸكتٸلەر حابارلامالاردى تاراتۋ ٷشٸن ارنايى «SMS-بلاستەر» قۇرىلعىسىن پايدالانعان. بۇل قۇرىلعى ۇيالى بايلانىس بازالىق ستانتسيياسىنىڭ جۇمىسىن يميتاتسييالاپ, بايلانىس وپەراتورلارىنىڭ سٷزگٸلەرٸن اينالىپ ٶتۋگە مٷمكٸندٸك بەرگەن.
نەتيجەسٸندە Beeline, Kcell جەنە Activ ابونەنتتەرٸنە تانىمال كومپانييالار اتىنان جالعان حابارلامالار جولدانىپ, ازاماتتارعا جينالعان بونۋستارىن ايىرباستاۋ ۇسىنىلعان.
SMS-تەگٸ سٸلتەمە قولدانۋشىلاردى جالعان سايتقا باعىتتاعان. وندا ازاماتتاردان بانك كارتاسىنىڭ نٶمٸرٸ, CVV-كودى جەنە راستاۋ كودى سۇرالعان. وسىلايشا الاياقتار پايدالانۋشىلاردىڭ جەكە دەرەكتەرٸ مەن قارجىلىق مەلٸمەتتەرٸنە قول جەتكٸزۋگە تىرىسقان.
قۇقىق قورعاۋ ورگاندارى ارنايى جابدىقتاردى تەركٸلەپ, تٶرت كٷدٸكتٸنٸ قاماۋعا الدى. قازٸرگٸ ۋاقىتتا وقيعاعا قاتىستى تەرگەۋ امالدارى جالعاسىپ جاتىر.
