Astanada tórt kún ishinde qazaqstandyqtarǵa shamamen 150 myń fishingtik SMS-habarlama jiberip, olardyń bank derekterin qolǵa túsirýge árekettengen qylmystyq toptyń joly kesildi, dep habarlaidy dalanews.kz.
Prokýratýranyń málimetinshe, alaiaqtyq shema osy jyldyń qańtar aiynda paida bolǵan. Ońtústik-Shyǵys Aziia elderiniń biriniń azamaty jergilikti turǵyndy aqshaǵa tartyp, keiin olarǵa basqa da qatysýshylar qosylǵan.
Kúdiktiler habarlamalardy taratý úshin arnaiy «SMS-blaster» qurylǵysyn paidalanǵan. Bul qurylǵy uialy bailanys bazalyq stantsiiasynyń jumysyn imitatsiialap, bailanys operatorlarynyń súzgilerin ainalyp ótýge múmkindik bergen.
Nátijesinde Beeline, Kcell jáne Activ abonentterine tanymal kompaniialar atynan jalǵan habarlamalar joldanyp, azamattarǵa jinalǵan bonýstaryn aiyrbastaý usynylǵan.
SMS-tegi silteme qoldanýshylardy jalǵan saitqa baǵyttaǵan. Onda azamattardan bank kartasynyń nómiri, CVV-kody jáne rastaý kody suralǵan. Osylaisha alaiaqtar paidalanýshylardyń jeke derekteri men qarjylyq málimetterine qol jetkizýge tyrysqan.
Quqyq qorǵaý organdary arnaiy jabdyqtardy tárkilep, tórt kúdiktini qamaýǵa aldy. Qazirgi ýaqytta oqiǵaǵa qatysty tergeý amaldary jalǵasyp jatyr.
