قازاقستاندا شاشتارازدار مەن سۇلۋلىق سالوندارىنا سۇرانىس ارتىپ كەلەدٸ. 2025 جىلدىڭ قورىتىندىسى بويىنشا سۇلۋلىق يندۋستريياسىندا كٶرسەتٸلگەن قىزمەتتەردٸڭ جالپى كٶلەمٸ 127,3 ملرد تەڭگەگە جەتتٸ. بۇل تۋرالى ۇلتتىق ستاتيستيكا بيۋروسى مەلٸمدەدٸ, دەپ حابارلايدى dalanews.kz.
جالپى سومانىڭ جارتىسىنان استامى شاشتاراز قىزمەتتەرٸنە تيەسٸلٸ. بىلتىر قازاقستاندىقتارعا 67,5 ملرد تەڭگەنٸڭ شاشتاراز قىزمەتٸ كٶرسەتٸلگەن. بۇل 2024 جىلمەن سالىستىرعاندا 5,3%-عا كٶپ.
مانيكيۋر مەن پەديكيۋردٸ قوسا العاندا, كوسمەتيكالىق قىزمەتتەردٸڭ كٶلەمٸ 7,5 ملرد تەڭگەنٸ قۇرادى. ال سۇلۋلىق سالوندارى ۇسىناتىن ٶزگە قىزمەتتەرگە 52,3 ملرد تەڭگە تيەسٸلٸ.
بيۋتي-يندۋسترييا قالالارمەن قاتار اۋىلدىق جەرلەردە دە دامىپ كەلەدٸ. مەسەلەن, 2025 جىلى اۋىلداردا كٶرسەتٸلگەن شاشتاراز قىزمەتتەرٸنٸڭ كٶلەمٸ بٸر جىلدا 4,2%-عا ٶسٸپ, 34,3 ملرد تەڭگەگە جەتكەن. اۋىلدىق جەرلەردەگٸ سۇلۋلىق سالوندارىنىڭ ٶزگە قىزمەتتەرٸ 1,9 ملرد تەڭگەنٸ, ال كوسمەتولوگييالىق قىزمەتتەر 814,9 ملن تەڭگەنٸ قۇرادى.
"2025 جىلدىڭ قورىتىندىسى بويىنشا قازاقستانداعى سۇلۋلىق سالاسىنداعى قىزمەتتەردٸڭ كٶلەمٸ 127,3 ملرد تەڭگەگە جەتتٸ. ونىڭ جارتىسىنان استامى شاشتاراز قىزمەتتەرٸنە تيەسٸلٸ", – دەلٸنگەن مەلٸمەتتە.
بۇل رەتتە شاشتارازدار مەن سۇلۋلىق سالوندارىنىڭ قىزمەتٸ بٸرنەشە جىلدان بەرٸ ٷزدٸكسٸز قىمباتتاپ كەلەدٸ. باعا كەيٸنگٸ 54 اي بويى بٸردە-بٸر رەت تٶمەندەمەگەن. جالپى, ستاتيستيكا جٷرگٸزٸلگەن 2011 جىلدان بەرٸ بۇل سالاداعى قىزمەت باعاسىنىڭ ارزانداۋى تٸركەلمەگەن.
"2026 جىلدىڭ العاشقى ايلارىندا دا ٶسٸم جالعاستى. ەڭ جوعارى كٶرسەتكٸش قاڭتاردا تٸركەلٸپ, قىزمەت باعاسى بٸر ايدا 2,3%-عا قىمباتتاعان. اقپاندا باعا 0,8%-عا, ناۋرىزدا 1,9%-عا, سەۋٸردە 1,5%-عا, مامىردا 1,4%-عا ٶستٸ", - دەلٸنگەن حابارلامادا.
