قازاقستانعا ەكەلٸنەتٸن كوفە كٶلەمٸ كەيٸنگٸ جىلدارداعى ەڭ جوعارى كٶرسەتكٸشكە جەتتٸ. 2026 جىلدىڭ قاڭتار-ماۋسىم ايلارىندا ەلگە 3,2 مىڭ تونناعا جۋىق ٶنٸم جەتكٸزٸلگەن. بۇل بىلتىرعى العاشقى جارتىجىلدىقپەن سالىستىرعاندا 38 پايىز ارتىق, دەپ حابارلايدى dalanews.kz.
ۇلتتىق ستاتيستيكا بيۋروسىنىڭ دەرەگٸنشە, يمپورت قۇنى دا ەدەۋٸر ٶسكەن. التى ايدا شەتەلدەن ساتىپ الىنعان كوفەگە 27,2 ملن دوللار جۇمسالدى. بىلتىر وسى كەزەڭدە جۇمسالعان قاراجات كٶلەمٸ بۇدان 30 پايىزعا از بولعان. سٶيتٸپ, كوفە يمپورتىنىڭ كٶلەمٸ مەن قۇنى كەمٸندە 2015 جىلدان بەرگٸ العاشقى جارتىجىلدىقتار اراسىندا رەكورد جاڭارتتى.
قازاقستانعا نەگٸزٸنەن قۋىرىلماعان ارابيكا دەندەرٸ جەتكٸزٸلەدٸ. بۇل ٶنٸم ەلگە ەكەلٸنگەن كوفەنٸڭ شامامەن 40 پايىزىن قۇرايدى. دەگەنمەن ارابيكا يمپورتى بٸر جىل ٸشٸندە ايتارلىقتاي ٶزگەرمەگەن.
نەگٸزگٸ ٶسٸم باسقا ساناتتاعى كوفە ٶنٸمدەرٸ ەسەبٸنەن قالىپتاسقان. اتاپ ايتقاندا, كوفەينٸ بار قۋىرىلعان كوفەنٸڭ يمپورتى 260 توننادان 864 تونناعا دەيٸن كٶبەيگەن. كەدەندٸك دەكلاراتسييالارداعى مەلٸمەتتەرگە قاراعاندا, بۇل ساناتقا ۇنتاقتالعان جەنە ەريتٸن كوفە, سونداي-اق كوفە كاپسۋلالارى كٸرەدٸ.
كەيٸنگٸ بٸرنەشە جىلدا قازاقستانعا كوفە جەتكٸزۋ قارقىنى ٷدەي تٷسكەن.
قازاقستان يمپورتتالعان كوفەنٸڭ بٸر بٶلٸگٸن قايتادان شەتەلگە ساتادى. الايدا بيىل ەكسپورت كٶلەمٸ تٶمەندەپ, جالپى يمپورتتىڭ 5 پايىزىنا عانا تەڭ بولعان. سوندىقتان سىرتقا شىعارىلعان ٶنٸمدٸ ەسەپتەمەگەندە, ەلدٸڭ ٸشكٸ نارىعىندا قالعان كوفە كٶلەمٸ دە رەكوردتىق دەڭگەيگە جەتتٸ.
