قازاقستاندىقتاردىڭ جارتىسىنان استامى (51,1%) ChatGPT, Google Gemini, Midjourney جەنە باسقا دا جاساندى ينتەللەكت تەحنولوگييالارىن قولدانادى. بۇل دەرەكتەر قر پرەزيدەنتٸ جانىنداعى قازاقستاننىڭ ستراتەگييالىق زەرتتەۋلەر ينستيتۋتى تاپسىرىسىمەن جٷرگٸزٸلگەن ەلەۋمەتتانۋلىق ساۋالناما نەتيجەلەرٸنە نەگٸزدەلگەن, دەپ حابارلايدى Dalanews.kz
جي-دٸ ەڭ بەلسەندٸ قولداناتىندار بۇل جاستار: 18–29 جاس ارالىعىنداعى رەسپوندەنتتەردٸڭ 76,2%-ى جاساندى ينتەللەكت سەرۆيستەرٸن پايدالانادى. 30-45 جاستا بۇل كٶرسەتكٸش 57,1%-عا دەيٸن تٶمەندەيدٸ. جاس ۇلعايعان سايىن تەحنولوگييانى قولدانۋ دەڭگەيٸ بٸرتٸندەپ ازايادى: 46–60 جاس توبىندا 37,5%, ال 61 جاستان اسقان ازاماتتار اراسىندا – 16,6%.
جاستار مۇنداي تسيفرلىق قۇرالداردى كٶبٸنە وقۋ ٷردٸسٸنە جەنە ٶزٸن-ٶزٸ دامىتۋ ٷشٸن (48,7%), سونداي-اق مەتٸندەرمەن جۇمىس ٸستەۋگە (44,2%) پايدالانادى. ورتا جاستاعى رەسپوندەنتتەردٸڭ نەگٸزگٸ سۇرانىستارى دا وسى باعىتتارمەن سەيكەس كەلەدٸ: بٸلٸم الۋ جەنە مەتٸندٸك مٸندەتتەر باستى قاجەتتٸلٸكتەردٸڭ قاتارىندا. ال 61 جاستان اسقان ازاماتتار ٷشٸن جاساندى ينتەللەكت سەرۆيستەرٸ كٶبٸنە اقپارات ٸزدەۋدٸڭ قۇرالىنا اينالعان: بۇل توپتىڭ 40,8%-ى جي ەڭ الدىمەن قاراپايىم ٸزدەۋ جٷيەسٸ رەتٸندە قولدانادى.
گەندەرلٸك جەنە ەلەۋمەتتٸك-دەموگرافييالىق ايىرماشىلىقتار دا ايقىن بايقالادى. ەيەلدەر تسيفرلىق سەرۆيستەردٸ ەرلەرگە قاراعاندا جيٸ قولدانادى (54,6% جەنە 46,6%). سونداي-اق قالا تۇرعىندارى اۋىلدىق جەرلەرگە قاراعاندا جاساندى ينتەللەكتتٸ بەلسەندٸرەك پايدالانادى: تيٸسٸنشە 53,2% جەنە 47,9%. بۇل ايىرماشىلىق كٶبٸنە قالالارداعى تسيفرلىق ينفراقۇرىلىمنىڭ كەڭٸرەك قولجەتٸمدٸلٸگٸمەن تٷسٸندٸرٸلەدٸ.
بٸلٸم دەڭگەيٸ دە تسيفرلىق قۇرالداردى قولدانۋداعى ماڭىزدى فاكتورلاردىڭ بٸرٸ. جوعارى بٸلٸمدٸ رەسپوندەنتتەر (64,2%) مەن ورتا بٸلٸمدٸ ازاماتتار (37,7%) اراسىنداعى الشاقتىق 1,7 ەسەگە دەيٸن جەتەدٸ. بۇل جاڭا تەحنولوگييالاردى مەڭگەرۋ ٷشٸن بٸلٸم مەن دايىندىقتىڭ شەشۋشٸ رٶلٸن كٶرسەتەدٸ. سونداي-اق بٸلٸم دەڭگەيٸ مەن تسيفرلىق قۇزىرەتتٸلٸك اراسىنداعى بايلانىس تا ايقىن كٶرٸنەدٸ: بٸلٸم دەڭگەيٸ جوعارىلاعان سايىن زاماناۋي تەحنولوگييالاردى كٷندەلٸكتٸ ٶمٸرگە ەنگٸزۋگە دەگەن دايىندىق تا ارتا تٷسەدٸ.
ەسكە سالايىق, ەلەۋمەتتانۋلىق ساۋالناما قسزي تاپسىرىسىمەن 2025 جىلعى 3 قازان مەن 5 قاراشا ارالىعىندا جٷرگٸزٸلدٸ. ٸرٸكتەمە كٶلەمٸ 8000 رەسپوندەنتتٸ قۇرايدى. ساۋالناماعا 17 وبلىس پەن 3 رەسپۋبليكالىق ماڭىزى بار قالا – استانا, الماتى جەنە شىمكەنت قالالارىنىڭ 18 جاستان اسقان رەسپوندەنتتەرٸ قاتىستى.
