ەندى قازاقستاندىقتاردىڭ ەۋروپاعا بارۋى قيىندايدى، دەپ حابارلايدى Dalanews.kz.

قانداي وزگەرىس بولادى؟

12 قازاننان باستاپ شەنگەن ايماعىنا كىرەتىن ەلدەر جاڭا سيفرلىق شەكارا باقىلاۋ جۇيەسىن، ياعني Entry/Exit Systemء-دى (EES) ەنگىزە باستايدى. بۇل جۇيە ءتولقۇجاتتاعى ءداستۇرلى ءموردى اۋىستىرىپ، ەلگە كىرۋ جانە شىعۋ تۋرالى مالىمەتتەردى ەلەكترون تۇردە تىركەيدى.

ەۋروپالىق كوميسسيا مالىمەتىنشە، بۇل وزگەرىستەر قاۋىپسىزدىكتى ارتتىرۋ، زاڭسىز كوشى-قونمەن كۇرەسۋ جانە شەتەلدىكتەردىڭ شەنگەن ايماعىندا بولۋ مەرزىمىن باقىلاۋدى جەڭىلدەتۋ ماقساتىندا ەنگىزىلىپ وتىر.

ەۋرووداقتىڭ مالىمەتىنشە، جاڭا جۇيە مىناداي مۇمكىندىكتەر بەرەدى:

• شەنگەن ايماعىندا بولۋدىڭ رۇقسات ەتىلگەن مەرزىمىن ءدال ەسەپتەۋ؛

• شەكارالىق باقىلاۋدان ءوتۋدى بىرتىندەپ جەدەلدەتۋ؛

• جالعان قۇجاتتاردى پايدالانۋ مەن جەكە دەرەكتەردىڭ ۇرلانۋ ءقاۋپىن ازايتۋ؛

• قاۋىپسىزدىك دەڭگەيىن ارتتىرۋ جانە تەرروريزم مەن اۋىر قىلمىستارعا قارسى كۇرەستى جەڭىلدەتۋ.

بۇل جۇيە قالاي جۇمىس ىستەيدى؟

شەكارانى العاش رەت كەسىپ وتكەن كەزدە ساياحاتشىلارعا تىركەۋدەن ءوتۋ قاجەت بولادى: ءتولقۇجات دەرەكتەرىن ۇسىنۋ قاجەت، بيومەتريالىق مالىمەتتەر تاپسىرۋ كەرەك: سۋرەت پەن ساۋساق ىزدەرى الىنادى. بۇل دەرەكتەر ءۇش جىل بويى ساقتالادى. كەلەسى ساپارلاردا تەك بيومەتريانى سايكەستەندىرۋ جەتكىلىكتى، قايتادان تولىق راسىمنەن ءوتۋدىڭ قاجەتى جوق.

قوسىمشا قۇجاتتار راسىمدەۋدىڭ قاجەتى جوق: جارامدى ءتولقۇجات پەن شەنگەن ۆيزاسى بولسا جەتكىلىكتى. ساپار الدىندا الدىن الا تىركەلۋ تالاپ ەتىلمەيدى. EES جۇيەسىنە تىركەۋ شەكارادا تەگىن جۇرگىزىلەدى. ەگەر ساياحاتشى بيومەتريالىق دەرەكتەر بەرۋدەن باس تارتسا، ەو اۋماعىنا كىرۋگە رۇقسات بەرىلمەيدى.

ەۋروپالىق كوميسسيانىڭ مالىمەتىنشە، بارلىق اقپارات ۇلتتىق ورگاندار مەن ەو-نىڭ ءىرى IT-جۇيەلەرىن باسقاراتىن eu-LISA اگەنتتىگىنىڭ باقىلاۋىندا ساقتالادى. دەرەكتەرگە قولجەتىمدىلىك شەكتەۋلى جانە ولار GDPR ستاندارتتارىنا ساي قورعالعان.

EES جۇيەسى قاي ەلدەردە جۇمىس ىستەيدى؟

Entry/Exit System (EES) شەنگەن ايماعىنا كىرەتىن 25 ەو ەلى مەن وعان مۇشە ەمەس، ءبىراق شەنگەنگە كىرەتىن 4 ەلدە قولدانىلادى.

تولىق ءتىزىم مىناداي: اۆستريا، بەلگيا، بولگاريا، ۆەنگريا، گەرمانيا، گرەكيا، دانيا، يسلانديا، يسپانيا، يتاليا، لاتۆيا، ليحتەنشتەين، ليتۆا، ليۋكسەمبۋرگ، مالتا، نيدەرلاند، نورۆەگيا، پولشا، پورتۋگاليا، رۋمىنيا، سلوۆاكيا، سلوۆەنيا، فينليانديا، فرانسيا، شۆەسيا، شۆەيساريا، حورۆاتيا، چەحيا جانە ەستونيا.

كىمدەرگە قاتىستى؟

جاڭا ەرەجەلەر ەو-عا كىرمەيتىن ەلدەردىڭ ازاماتتارىنا، سونىڭ ىشىندە قازاقستان ازاماتتارىنا دا قولدانىلادى.