ق ر مادەنيەت جانە اقپارات مينيسترلىگى جاستار جانە وتباسى ىستەرى كوميتەتىنىڭ ءتوراعاسى قايرات قامباروۆ تۇرمىستىق زورلىق-زومبىلىق تۋرالى زاڭ جوباسىنا قارالىپ جاتقان تۇزەتۋلەر تۋرالى ايتتى، دەپ حابارلايدى Dalanews.kz.
ءقازىر ماجىلىستە تۇرمىستىق زورلىق-زومبىلىق تۋرالى زاڭ جوباسى قارالىپ جاتىر.
"مۇندا ارنايى تارماقشالارى بار. جاستار ۇيلەنبەس بۇرىن كەم دەگەندە ءبىر اي وقۋى كەرەك"، - دەدى قايرات قامباروۆ ورتالىق كوممۋنيكاسيالار قىزمەتىندە وتكەن بريفينگتە.
ونىڭ ايتۋىنشا، ۇسىنىلعان تۇزەتۋلەرگە سايكەس، نەكەگە تۇرۋدى قالايتىن قازاقستاندىقتارمەن تالىمگەرلەر مەن پسيحولوگتار جۇمىس ىستەيتىن بولادى.
"بۇل زاڭ ءالى دە قارالۋدا، ءالى بەكىتىلگەن جوق"، - دەپ اتاپ ءوتتى قامباروۆ.
