قازاقستاندىق ماماندار اتوم ەنەرگەتيكاسى جەنە جاساندى ينتەللەكت سالاسىندا “بولاشاق” باعدارلاماسى اياسىندا شەتەلدە بٸلٸم الۋ مٷمكٸندٸگٸنە يە بولادى. بۇل تۋرالى مەملەكەتتٸك كەڭەسشٸ ەرلان قارين مەلٸمدەدٸ, دەپ حابارلايدى Dalanews.kz.
بيىل "بولاشاق" ستيپەنديياسىنا كونكۋرس ەرەجەلەرٸ جاڭارتىلدى. ٷمٸتكەرلەر ٷش كەزەڭنەن تۇراتىن ٸرٸكتەۋدەن ٶتەدٸ: كەشەندٸ تەستٸلەۋ, سۇحبات جەنە رەسپۋبليكالىق كوميسسييانىڭ ەڭ جوعارى ۇپاي جيناعان قاتىسۋشىلاردى ٸرٸكتەۋٸ. سونىمەن قاتار بٸر كٷنتٸزبەلٸك جىل ٸشٸندە كونكۋرسقا قايتا قاتىسۋ مٷمكٸندٸگٸ قاراستىرىلعان, بۇل ەلەۋەتتٸ ٷمٸتكەرلەرگە باعدارلامادا ٶز مٷمكٸندٸگٸن سىناۋعا قوسىمشا مٷمكٸندٸك بەرەدٸ.
كونكۋرس قورىتىندىسى بويىنشا 225 قازاقستاندىق ازامات حالىقارالىق «بولاشاق» ستيپەنديياسىن يەلەندٸ. ورتا ەسەپپەن بٸر ورىنعا تٶرت ٷمٸتكەردەن كەلدٸ. سونداي-اق, بيىل شەتەلدٸك جوعارى وقۋ ورىندارى مەن عىلىمي ورتالىقتارعا قويىلاتىن تالاپتار ٶزگەردٸ: ولار حالىقارالىق بەدەلدٸ رەيتينگتەردە ٷزدٸك 100 ورىنعا ەنۋٸ كەرەك. بۇل "بولاشاق" ستيپەنديياسى اياسىنداعى اكادەمييالىق بٸلٸم ساپاسىن ارتتىرۋعا جول اشادى.
جاڭا ستيپەنديانتتاردىڭ 152-سٸ ماگيستراتۋرادا, 16-سى دوكتورانتۋرادا وقيدى, ال 57 وتانداسىمىز شەتەلدٸك ۋنيۆەرسيتەتتەر مەن ورتالىقتاردا كەسٸبي تاعىلىمدامادان ٶتەدٸ. سونىمەن قاتار 182 قازاقستاندىق ەلەمنٸڭ جەتەكشٸ عىلىمي جەنە زەرتتەۋ ورتالىقتارىندا تاعىلىمدامادان ٶتۋگە گرانت الدى. ٸرٸكتەۋ ساپاسىن ارتتىرۋ ماقساتىندا ٷمٸتكەرلەرگە قويىلاتىن تالاپتار كٷشەيتٸلدٸ: بەدەلدٸ باسىلىمداردا عىلىمي ماقالالاردىڭ نەمەسە حالىقارالىق پاتەنتتەردٸڭ بولۋى مٸندەتتٸ بولىپ سانالادى. عىلىمي تاعىلىمداما باعىتتارى ٷكٸمەت جانىنداعى جوعارى عىلىمي-تەحنيكالىق كوميسسييانىڭ باسىمدىقتارىنا سەيكەس ٷيلەستٸرٸلدٸ.
وتىرىستا 2026 جىلى كەسٸبي تاعىلىمدامادان ٶتۋشٸلەر ٷشٸن جاڭا سانات – "جاساندى ينتەللەكت جٷيەسٸن پايدالانۋشىلار" بەكٸتٸلدٸ. ەكونوميكانىڭ تٷرلٸ سالاسىن تسيفرلاندىرۋ باعدارلاماسى جاساندى ينتەللەكت قۇزىرەتتەرٸن دامىتۋ قاجەتتٸلٸگٸن تۋىنداتادى, بۇل ۇلتتىق ەكونوميكانىڭ بەسەكەگە قابٸلەتتٸلٸگٸن ارتتىرۋ جەنە نەگٸزگٸ سالالاردى دامىتۋ ٷشٸن ماڭىزدى دەپ سانالادى.
سونىمەن قاتار 2026 جىلدان باستاپ ماگيستراتۋرا, دوكتورانتۋرا جەنە تاعىلىمداما بويىنشا اتوم ەنەرگەتيكاسى سالاسىنداعى مامانداردى دايارلاۋعا ارنايى سانات ەنگٸزٸلەدٸ. جىل سايىن بۇل باعىتقا 20 كۆوتا بٶلٸنەدٸ, بۇل وتاندىق اتوم ٶنەركەسٸبٸنە قاجەتتٸ بٸلٸكتٸ كادرلاردى ۋاقتىلى دايارلاۋعا مٷمكٸندٸك بەرەدٸ.
جالپى, جاراتىلىستانۋ-تەحنيكالىق باعىتتاعى "بولاشاق" ستيپەندييالارىنىڭ ٷلەسٸ 2022 جىلعى 59,2%-دان 2025 جىلى 70%-عا دەيٸن ٶستٸ. ينجەنەرلٸك-تەحنيكالىق ماماندىقتار بويىنشا عىلىمي تاعىلىمدامالارعا بەرٸلگەن ستيپەندييالاردىڭ ٷلەسٸ 46%-دان 72,4%-عا ارتتى.
وتىرىس قورىتىندىسى بويىنشا ەرلان قارين "بولاشاق" حالىقارالىق ستيپەنديياسىن ودان ەرٸ ٸسكە اسىرۋ جەنە جەتٸلدٸرۋ جٶنٸندە ناقتى تاپسىرمالار بەردٸ.
