پرەمەر-مينيستردىڭ ورىنباسارى سەرىك جۇمانعارين حالىق ازىق-تۇلىككە قاراجاتىنىڭ قانشا پايىزىن جۇمسايتىنى تۋرالى ايتتى، دەپ حابارلايدى Dalanews.kz.
ۆيسە-پرەمەردىڭ سوزىنشە، حالىق اراسىندا ازىق-تۇلىك شىعىندارىنا قاتىستى تۇسىنىسپەۋشىلىكتەر بار.
“كوپشىلىگى تابىسىنىڭ جارتىسى ازىق-تۇلىككە كەتەدى دەپ ويلايدى. ءبىراق بۇل دۇرىس ەمەس. ناقتىراق ايتساق، تۇتىنۋ شىعىندارىنىڭ 50%-ى ازىق-تۇلىككە باعىتتالعان. ياعني، تۇتىنۋ شىعىندارى تابىستىڭ 50%-ىنا تەڭ دەگەندى بىلدىرەدى”، – دەدى جۇمانعارين.
ونىڭ سوزىنە سۇيەنسەك، ازاماتتاردىڭ تابىسى تەك تۇتىنۋ شىعىندارىمەن شەكتەلمەيدى. ولار نەسيەنى وتەۋ، بالالارعا قاجەتتى زاتتاردى ساتىپ الۋ، وقۋ اقىسىن تولەۋ جانە قارىزداردى جابۋ سياقتى مىندەتتەرگە دە قاراجات بولەدى.
“وسى كورسەتكىشتەردى ەسەپكە العاندا، قازاقستاندىقتاردىڭ تابىسىنىڭ شامامەن 22،2%-ى ازىق-تۇلىككە جۇمسالىپ وتىر دەپ ايتۋعا بولادى،” – دەپ اتاپ ءوتتى ۆيسە-پرەمەر.
ايتا كەتەيىك، بۇعان دەيىن ءماجىلىس دەپۋتاتى رينات زايىتوۆ تا ەلدەگى قىمباتشىلىق ماسەلەسىنە قاتىستى سۇراققا جاۋاپ بەرگەن ەدى.
ونىڭ سوزىنشە، ەلدەگى جاعداي قيىنداپ بارادى.
“ءبارى قىمباتتاپ جاتىر. دوللاردىڭ وسۋىنە بايلانىستى ازىق-تۇلىكتەن باستاپ، باسقا دا زاتتاردىڭ باعاسى اسپانداپ كەتتى. ءقازىر ناننان باسقاسىنىڭ ءبارى شارىقتاپ تۇر”، – دەپ قىنجىلدى دەپۋتات.
ەسكە سالايىق، بۇعان دەيىن رەسەي فەدەراسياسىنىڭ ەكسپورتتاۋشىلار مەن يمپورتتاۋشىلار قاۋىمداستىعى (رف ەيق) 2025 جىلى جالپى ينفلياسياعا، كولىك شىعىندارىنىڭ وسۋىنە جانە ورتالىق بانكتىڭ باستى سىياقى مولشەرلەمەسىنىڭ جوعارى بولۋىنا بايلانىستى ازىق-تۇلىك باعالارىنىڭ 15%-عا قىمباتتاۋى مۇمكىن ەكەنىن ەسكەرتكەن ەدى.
رف ەيق ۆيسە-پرەزيدەنتى ارتۋر لەەردىڭ ايتۋىنشا، 2025 جىلى ءسۇتتىڭ ورتاشا قۇنى قازىرگى ماننەن 10-15% -عا، سيىر ەتىنىڭ باعاسى12%-عا، شوشقا ەتىنىڭ باعاسى 10%-عا،جەمىستەرمەن كوكونىستەر 15-20%-عا قىمباتتاۋىمۇمكىن.جالپى ءوسىم شامامەن 15% قۇرايدى.
باعالار ءوسىمى رەسەيدەگى جوعارى ينفلياسيامەن، تكش قىزمەتتەرىنىڭ، كولىكتاريفتەرىمەن،جوعارى بازالىقمولشەرلەمەمەن، قىمباتنەسيەلەرمەن جانەت.ب. بايلانىستى.
رەسەيدەگى ينفلياسيا قازاقستاندا دا تىكەلەيكورىنىس تابادى، ويتكەنى ءبىز ازىق-تۇلىكتىڭكوپ بولىگىن رەسەيدەنيمپورتتايمىز،وسىلايشا رەسەيلىكينفلياسيانى دا قوسا "ساتىپ الامىز". 2024جىلدىڭ تەك ءبىرىنشى جارتىجىلدىعىندا قازاقستان 2،2 ملرددوللاردان ارتىق سوماعا رەسەيلىك ونىمدەردىساتىپ العان.
