"ازاماتتارعا ارنالعان ۇكىمەت" مەملەكەتتىك كورپوراسياسى اۆتوكولىكتەرگە ارنالعان VIP-نومىرلەر قانشا تۇراتىنىن ايتتى. بۇل تۋرالى مەملەكەتتىك كورپوراسيانىڭ باسپا ءسوز قىزمەتى مالىمدەدى، دەپ حابارلايدى Dalanews.kz.
قازاقستاندا VIP-نومىرلەردى ساتۋ تاجىريبەسى 2014 جىلى ەنگىزىلگەن. ساتۋدان تۇسكەن قارجى ەل بيۋدجەتىنە تۇسەدى.
مەملەكەتتىك كورپوراسيا مالىمەتىنشە، 2023 جىلى 010، 020، 030، 040، 050، 060، 070، 077، 080، 090، 707 نومىرلەرى ەڭ جىلدام ساتىلعان نومىرلەر بولىپ تابىلادى. ءار ءنومىر باعاسى 57 اەك (2024 جىلى 210 444 تەڭگە) بولادى.
VIP-نومىرلەر قاتارىنداعى ارىپتەرى بىردەي ەڭ قىمبات ساندار 001، 002، 003، 004، 005، 006، 007، 008، 009، 777 ساندارى. مۇنداي ءاربىر ءنومىر كولىك يەسى ءۇشىن 285 اەك (2024 جىلى 1 052 220 تەڭگە) تۇرادى.
