شاڭعىمەن تۇعىردان سەكىرۋدەن قازاقستان كومانداسىنىڭ مۇشەسى يليا ميزەرنىح كانۆونداعى جاسوسپىرىمدەر وليمپياداسىنىڭ چەمپيونى اتاندى، دەپ حابارلادى Dalanews.kz.
العاشقى مۇمكىندىكتەن سوڭ ميزەرنىح ءۇشىنشى ورىنىن ساقتاپ قالدى. ال ەكىنشى مۇمكىندىكتە ناتيجەسىن جاقسارتىپ، كەيىن ءبىرىنشى ورىنعا شىقتى.
ەكىنشى ورىندا – اۋستريالىق نيككي حامل، ءۇشىنشى ساتىدا – پولشالىق لۋكاس لۋكاششۋك.
ايتا كەتەيىك، قازاقستان بۇعان دەيىن جاسوسپىرىمدەر قىسقى وليمپياداسىندا التىن مەدال الماعان.
وڭتۇستىك كورەيانىڭ كانۆون پروۆينسياسىندا 2024 جىلعى قىسقى IV جاسوسپىرىمدەر وليمپياداسى ءوتىپ جاتىر. ول 2024 جىلدىڭ 19 قاڭتارى مەن 1 اقپانى ارالىعىندا وتەدى. قىسقى ويىندارعا 78 ەلدەن كەلگەن 1900-گە جۋىق سپورتشى قاتىسپاق. كانۆون ارەنالارىندا قازاقستان نامىسىن سپورتتىڭ بەس ءتۇرى بويىنشا (9 ديسيپلينا) 41 سپورتشى قورعايدى.
سۋرەت: Olympic.kz
