ۇلىبريتانييا پارلامەنتٸنٸڭ عيماراتىندا بٸرەگەي شاحمات ماتچى ٶتتٸ. قازاقستان قۇراماسى لوردتار پالاتاسىنىڭ مٷشەلەرٸ جەنە ۆەستمينستەر قىزمەتكەرلەرٸمەن سايىسقا تٷستٸ. بۇل تۋرالى قازاقستان شاحمات فەدەراتسيياسىنىڭ (KazChess) باسپاسٶز قىزمەتٸ مەلٸم ەتتٸ,- دەپ حابارلايدى Dalanews.kz
بۇل – شەتەل سپورتشىلارى قاتىسقان, وسىنداي جوعارى ساياسي دەڭگەيدە العاش رەت ٶتكەن شاحمات ويىنى.
ماتچ ۇلىبريتانيياداعى قازاقستان ەلشٸلٸگٸنٸڭ باستاماسىمەن جەنە قازاقستان شاحمات فەدەراتسيياسىنىڭ (KazChess) قولداۋىمەن ۇيىمداستىرىلدى. قازاقستان دەلەگاتسيياسىنىڭ قۇرامىندا ەلدٸڭ جەتەكشٸ گروسسمەيستەرلەرٸ بولدى:
- قازىبەك نٶگەربەك
- ەلٸشەر سٷلەيمەنوۆ
- كسەنييا بالاباەۆا
- گٷلميرا دەۋلەتوۆا
- دارمەن سادۋاقاسوۆ
قارسىلاستار تا وسال بولمادى: بريتاندىق كوماندا مٷشەلەرٸ ٸ رازرياد پەن سپورت شەبەرلٸگٸنە ٷمٸتكەر دەڭگەيٸن كٶرسەتتٸ. ۇلىبريتانييا قۇراماسى تٶمەندەگٸ شاحماتشىلاردان تۇردى:
- Jamie Njoku-Goodwin – بۇرىنعى پرەمەر-مينيستر ريشي سۋناكتىڭ ستراتەگييالىق ديرەكتورى
- لورد Harold Carter
- لورد Patrick Lawrence
- لورد Dafyyd Wigley
- Chris Fegan – پارلامەنت قىزمەتكەرٸ, بريتاندىق تاراپتىڭ ەڭ مىقتى ويىنشىسى, ول ەلٸشەر سٷلەيمەنوۆكە قاتاڭ قارسىلىق كٶرسەتتٸ.
ماتچ اياقتالعان سوڭ قازاقستان دەلەگاتسيياسى ۆەستمينستەر بويىنشا ەكسكۋرسيياعا شاقىرىلدى. شاحماتشىلار ەڭبەك نارىعى مەسەلەلەرٸنە ارنالعان جۇمىس توبىنىڭ وتىرىسىنا قاتىسىپ, جاساندى ينتەللەكتتٸڭ قارقىندى دامۋى اياسىندا بٷكٸل ەلەمدٸ تولعاندىرىپ وتىرعان تاقىرىپپەن تانىستى.
پارلامەنتكە ساپار – قازاقستان دەلەگاتسيياسىنىڭ جالعىز ماقساتى ەمەس. شاحماتشىلار لوندونعا راپيد جەنە بليتس بويىنشا كوماندالىق ەلەم چەمپيوناتىنا (2025 FIDE World Rapid & Blitz Team Championships) قاتىسۋ ٷشٸن كەلدٸ. بۇل تۋرنير 10-16 ماۋسىم ارالىعىندا ٶتەدٸ. KazChess كومانداسى قۇرامىندا بەس قازاقستاندىق سپورتشى ٶنەر كٶرسەتەدٸ, ال جالپى قازاقستان شاحماتشىلارى ٷش كوماندانىڭ – KazChess, Barys جەنە Rookies – ساپىندا قاتىسادى.
KazChess قۇرامى:
- الدييار اڭسات (2489)
- مەرۋەرت قاماليدەنوۆا (2330)
- ەلناز قالياحمەت (2218)
- دارمەن داۋرەن (1932)
- دارمەن سادۋاقاسوۆ (2587, راپيد)
- ريحارد راپپورت (2714, №27)
- پارحام ماگسۋدلۋ (2691, №38)
- اندرەي ەسيپەنكو (2689, №39)
- الەكساندر گريششۋك (2667, №57)
كوماندا كاپيتانى – KazChess اتقارۋشى ديرەكتورى گٷلميرا دەۋلەتوۆا.
چەمپيونات كلۋبتىق فورماتتا ٶتۋدە. وليمپيادالار مەن ۇلتتىق بٸرٸنشٸلٸكتەردەن ايىرماشىلىعى – مۇندا كوماندالار فەدەراتسييالار مەن سەرٸكتەستەر نەمەسە تٸكەلەي دەمەۋشٸلەر تاراپىنان جاساقتالادى. لوندوندا ٷندٸستان, ٶزبەكستان, گەرمانييا, ۇلىبريتانييا, قازاقستان جەنە باسقا ەلدەردٸڭ كوماندالارى باق سىنايدى.
