سوتتالعان قازاقستاندىق رەسەيدەن ەكستراديسيالاندى، دەپ حابارلايدى Dalanews.kz.
ول 2014 جىلى ادامدارمەن الدىن الا ءسوز بايلاسۋ ارقىلى پاۆلودار قالاسىندا اسا ءىرى كولەمدە ەسىرتكى ساتقان. 66 كەلى ماريحۋانا مەن 8 كەلى گاشيشتى ودان ءارى ساتۋ ماقساتىندا تاسىمالداۋ بارىسىندا پوليسيا قىزمەتكەرلەرى ونى ۇستاعان.
الايدا 2015 جىلى ول سوت ۇكىمىمەن اقتالعان. كەيىن پروكۋروردىڭ نارازىلىعى بويىنشا اقتاۋ ۇكىمىنىڭ كۇشى جويىلىپ، وعان 10 جارىم جىلعا باس بوستاندىعىنان ايىرۋ تۇرىندەگى جازا تاعايىندالعان.
"سول ۋاقىت ىشىندە ول سوتتان بوي تاسالاعان، سوعان بايلانىستى حالىقارالىق ىزدەۋ جاريالانىپ، 6 جىلدان اسا ۋاقىت جاسىرىنعان. بىلتىر جەلتوقساندا ىزدەۋدەگى ادام ماسكەۋ وبلىسىندا ۇستالىپ، قازاقستان باس پروكۋراتۋراسىنىڭ سۇراۋى بويىنشا ەلگە ەكستراديسيالاندى"، - دەپ جازىلعان حابارلامادا.
ول ۋاقىتشا ۇستاۋ يزولياتورىنا قامالدى.
