بەلگىلى قازاقستاندىق تەلەجۋرناليست ازات رىستانبەك ومىردەن ءوتتى، دەپ حابارلايدى Dalanews.kz
بىرنەشە دەرەكتى فيلمدەر مەن قىزىقتى رەپورتاجدار ازىرلەپ، وزىق وي، ەرەكشە دارىن يەسى رەتىندە ەل ەسىندە قالعان جۋرناليست جەكسەنبى كۇنى 2 قاراشادا قايتىس بولدى.
ازات رىستانبەك وتاندىق تەليەۆيزيانىڭ دامۋىنا ەلەۋلى ۇلەس قوستى، تاريحي سانانى جانە ۇلتتىق جادىنى جاڭعىرتۋعا باعىتتالعان جوبالاردىڭ اۆتورى بولدى.
سوڭعى جىلدارى ول «حابار» اگەنتتىگىندە باعدارلاما ءوندىرىسى ءبولىمىنىڭ شەف-رەداكتورى بولىپ جۇمىس ىستەدى، مەديا حولدينگتىڭ 30 جىلدىعىنا وراي ومىردەن وتكەن ارىپتەستەرىنە ارنالعان دەرەكتى فيلم دايىنداعان.
