قازاقستاندىق فۋتبولشىلار 70 مىڭ دوللارعا دەيٸن جالاقى الادى
"قازاقستاندىق كلۋبتاردىڭ بيۋدجەتٸ بولگارلىق كلۋبتارعا قاراعاندا ەلدەقايدا جوعارى. ونىڭ بٸرنەشە سەبەبٸ بار. بٸرٸنشٸدەن, قازاقستان شالعايدا ورنالاسقان ەل. قوماقتى قاراجاتسىز جاقسى ويىنشىلاردى ول جاققا تارتا المايسىڭ. ەشكٸم قازاقستانعا بارعىسى كەلمەيدٸ", - دەيدٸ س.ستويلوۆ.
ونىڭ ايتۋىنشا, ەڭ ٷلكەن جالاقىنى "استانا" مەن "قايرات" فۋتبول كلۋبتارىنىڭ ويىنشىلارى الادى ەكەن. ٶزگە كوماندالارداعى ايلىق-جالاقىلار شامامەن دەڭگەيلەس.
"شىنىمدى ايتسام, بٸزدٸڭ كلۋبتىڭ ويىنشىلارى قانشا جالاقى الاتىنىن ناقتى بٸلمەيمٸن. بٸراق, جاقسى ويىنشىلاردىڭ جالاقىلارى جوعارى, مىسالى بولگارلىق "لۋدوگورەتس" كلۋبىنداعىداي. مۇندا ايلىق-جالاقى 20 مىڭ دوللاردان باستالىپ, 50-60 مىڭ دوللارعا دەيٸن جەتەدٸ, تٸپتٸ, 70 مىڭ الاتىندارى دا بار. مەن "قايرات" پەن "استانا" كلۋبتارى جايىندا ايتىپ وتىرمىن. ٶزگە كوماندالارداعى جالاقى شامامەن دەڭگەيلەس, 20-25 مىڭ دوللار كٶلەمٸندە", - دەيدٸ بولگارلىق مامان.
ونىڭ ايتۋىنشا, قازاقستاندىق كلۋبتاردىڭ جالاقىدان بٶلەك شىعىندارى دا تىم ٷلكەن كٶرٸنەدٸ.
"فۋتبولشىلار ٶتە كٶپ ساپارعا شىعادى, ۇشاقپەن كٶپ ۇشادى. جانارماي شىعىنى وراسان. مەسەلەن, "استانانىڭ" ليسسابونعا ۇشىپ بارۋى شامامەن 500 مىڭ دوللاردى قۇرادى. وسىلاي. 4 كٷن سوندا بولدىق, 9 ساعات ەۋەدە ۇشتىق. قوناق ٷي مەن ٶزگە دە شىعىندار بٶلەك تٶلەنەدٸ. ٸشكٸ چەمپيوناتتا دا بارلىق ويىندارعا ۇشاقپەن بارۋعا مەجبٷرمٸز, قالالاردىڭ اراسى تىم شالعاي. ەربٸر قالاعا بارىپ-كەلۋٸڭ 2-3 كٷن ۋاقىتتى الادى, شىعىن ٷلكەن. ونىڭ ٷستٸنە, قازاقستانداعى فۋتبولشىلاردىڭ 90 پايىزى Adidas كيٸمدەرٸمەن ويناسا, قالعان 10 پايىزى Nike برەندٸن تاڭداعان. مٸنە, تەك كيٸم ٷشٸن ەر كلۋب 200-300 مىڭ ەۋروعا شىعىندالادى", - دەپ اتاپ ٶتتٸ ستويلوۆ «7 دني سپورت» پورتالىنا بەرگەن سۇحباتىندا.
ماماننىڭ ايتۋىنشا, "استانا" فۋتبول كلۋبىنىڭ جىلدىق بيۋدجەتٸ 30 ميلليون دوللاردى قۇرايدى ەكەن. بۇل قارجىنىڭ كٶپ بٶلٸگٸ جول شىعىندارىنا كەتەدٸ. سونداي-اق, الماتىلىق "قايراتتىڭ" دا جىلدىق بيۋدجەتٸ وسى شامالاس. ال, ەل چەمپيوناتىنداعى ٶزگە كلۋبتار بٸر جىلدا 10-20 ميلليون دوللار اراسىندا شىعىندالادى.
