قازاقستاندا بٸلٸم بەرۋ ستاندارتتارى مەن وقۋ باعدارلامالارى جاڭارتىلعان كونستيتۋتسييا نورمالارىنا سەيكەس قايتا قارالدى, دەپ حابارلايدى dalanews.kz.
وقۋ-اعارتۋ مينيسترٸ جۇلدىز سٷلەيمەنوۆانىڭ ايتۋىنشا, جاڭا وقۋ جىلىنىڭ باسىندا مەملەكەتتٸك جالپىعا مٸندەتتٸ بٸلٸم بەرۋ ستاندارتتارى مەن ٷلگٸلٸك وقۋ جوسپارلارى نەگٸزگٸ زاڭنىڭ جاڭارتىلعان ەرەجەلەرٸنە سەيكەستەندٸرٸلدٸ.
«بٷگٸنگٸ تاڭدا ەلٸمٸزدە 12 مىڭنان استام مەكتەپكە دەيٸنگٸ ۇيىم جۇمىس ٸستەيدٸ, ولاردا 1 ملن-نان استام بالا تەربيەلەنۋدە. ونىڭ ٸشٸندە 360 مىڭ بالا مەكتەپالدى دايارلىقتان ٶتتٸ», – دەدٸ مينيستر.
قازٸرگٸ ۋاقىتتا 20 قالادا جەنە وبلىستاردىڭ 23 اۋدانىندا ۆاۋچەرلٸك قارجىلاندىرۋ بويىنشا پيلوتتىق جوبا جٷزەگە اسىرىلىپ جاتىر. جوبا اياسىندا 1,1 ملن ۆاۋچەر بەرٸلگەن.
نەتيجەسٸندە 2 جاستان 6 جاسقا دەيٸنگٸ بالالاردىڭ بالاباقشا كەزەگٸ 160 مىڭنان 23 مىڭعا دەيٸن قىسقارعان. سونىمەن قاتار بيۋدجەت قاراجاتىنىڭ 35,3 ملرد تەڭگەسٸ ٷنەمدەلدٸ.
بالالاردىڭ ماماندىقتار تۋرالى العاشقى تٷسٸنٸگٸن قالىپتاستىرۋ جەنە ەڭبەككە تەربيەلەۋ ماقساتىندا 100 بالاباقشادا «ەرتە جاستان ەڭبەككە جەنە كەسٸپكە باۋلۋ» ەرتە كەسٸپتٸك باعدارلاۋ ەدٸستەرٸ پيلوتتىق رەجيمدە ەنگٸزٸلٸپ جاتىر.
مينيستردٸڭ مەلٸمەتٸنشە, بٷگٸندە قازاقستانداعى 8 مىڭنان استام مەكتەپتە 4,1 ملن وقۋشى بٸلٸم الۋدا. بيىل 380 مىڭ بالا بٸرٸنشٸ سىنىپقا قابىلدانادى. 11-سىنىپقا 227 مىڭ وقۋشى كٶشكەن. ٶتكەن وقۋ جىلىندا 230 مىڭنان استام وقۋشى مەكتەپ بٸتٸرگەن.
جاڭا وقۋ جىلىنان باستاپ مەكتەپتەردەگٸ بٸلٸم بەرۋ مازمۇنى بٸرنەشە مٸندەتتٸ وقۋ كۋرسىمەن تولىقتىرىلادى.
اتاپ ايتقاندا, 5-7-سىنىپ وقۋشىلارى ٷشٸن «كونستيتۋتسييا نەگٸزدەرٸ» پەنٸ ەنگٸزٸلەدٸ. 8-11-سىنىپ وقۋشىلارى «زاڭ جەنە تەرتٸپ» مٸندەتتٸ وقۋ كۋرسىن وقيدى.
سونىمەن قاتار 5-11-سىنىپتاردا «جەكە قاۋٸپسٸزدٸك» مٸندەتتٸ وقۋ كۋرسى ەنگٸزٸلەدٸ.
بۇعان دەيٸن تاڭداۋ پەنٸ رەتٸندە وقىتىلىپ كەلگەن «قۇقىق نەگٸزدەرٸ» كۋرسى ەندٸ بارلىق وقۋشى ٷشٸن مٸندەتتٸ پەنگە اينالادى. ونىڭ مازمۇنى جاڭا كونستيتۋتسييانىڭ قاعيداتتارىنا سەيكەس جاڭارتىلادى.
