“سامۇرىق-قازىنا” اق ەكونوميكا جەنە قارجى جٶنٸندەگٸ باسقارۋشى ديرەكتورى ايدار رىسقۇلوۆ بٸرىڭعاي زەينەتاقى قورىنداعى 1,5 تريلليون تەڭگە كٶلەمٸندەگٸ قاراجات ەنەرگەتيكالىق جوبالارعا قالاي جۇمسالاتىنىن ەگجەي-تەگجەيلٸ تٷسٸندٸرٸپ بەردٸ, دەپ حابارلايدى Dalanews.kz.
رىسقۇلوۆ ەل ٷكٸمەتٸ ەر جوبانى مۇقييات قاراستىراتىنىن اتاپ ٶتتٸ. ال باستى وپەراتورلار “سامۇرىق-قازىنا” جەنە “بەيتەرەك” حولدينگٸ بولادى. ەكونوميكا جەنە قارجى جٶنٸندەگٸ باسقارۋشى ديرەكتور جوبادا قازاقستاندىق جٷيەگە باسىمدىق بەرٸلەتٸنٸن جەتكٸزدٸ. ونىڭ سٶزٸنشە, جوبالاردى جٷزەگە اسىرۋ ٷشٸن قاراجات ٶز قاجەتتٸلٸگٸنە قاراي بٶلٸنەدٸ.
سونداي-اق ول بٸرىڭعاي زەينەتاقى قورىنان تٷسەتٸن 1,5 تريلليون تەڭگەنٸڭ بٸر بٶلٸگٸ جەو جوبالارىن قارجىلاندىرۋعا جۇمسالاتىنىن ايتتى. ەستەرٸڭٸزگە سالا كەتەيٸك, رەسەي جىلۋ ەلەكتر ستانتسيياسىن قازاقستان ٷشٸن سالىپ جاتىر. قازٸرگٸ تاڭدا رەسەيلٸك سەرٸكتەستەرمەن ٷش جەو-نى ٸسكە اسىرۋ تالقىلانىپ جاتىر.
بۇعان دەيٸن قازاقستان ٷكٸمەتٸ قازاقستان رەسپۋبليكاسى مەن رەسەي فەدەراتسيياسى اراسىندا كٶكشەتاۋ, سەمەي جەنە ٶسكەمەن قالالارىندا كٶمٸرمەن جۇمىس ٸستەيتٸن جىلۋ ەلەكتر ستانتسييالارىن سالۋ جوباسىنا بايلانىستى قاۋلى دايىنداعان بولاتىن.
وسىعان بايلانىستى قازاقستاننان “سامۇرىق-ەنەرگو” اق تاپسىرىس بەرۋشٸنٸڭ قىزمەتٸن اتقارادى. ال رەسەيدەن ينتەر راو كومپانيياسىنا كٸرەتٸن “ينتەر راو– ەكسپورت” باس مەردٸگەر رەتٸندە جۇمىس ٸستەيدٸ.
اتالمىش جوبالار ٷش كەزەڭ بويىنشا جٷزەگە اسادى. بٸرٸنشٸ كەزەڭدە جوبالاردىڭ ەرقايسى ٷشٸن قاجەتتٸ ساراپتامالارعا بايلانىستى جوبالىق قۇجاتتاما ەزٸرلەنەدٸ. مۇندا دامۋ ەلەكتر ستانتسييالارىن قاتتى وتىننان تابيعي گازعا ىقتيمال تٷرلەندٸرۋ كٶزدەلەدٸ. ەكٸنشٸ كەزەڭدە جۇمىس قۇجاتتاماسى ەزٸرلەنەدٸ. ناقتىراق ايتساق, جابدىقتار مەن ماتەريالداردى جەتكٸزۋ, سونىمەن قاتار قۇرىلىس-مونتاجداۋ جەنە ٸسكە قوسۋ جۇمىستارى قامتىلادى. ال ٷشٸنشٸ كەزەڭ ەلەكتر ستانتسييالارىنىڭ ەكولوگييالىق كٶرسەتكٸشتەرٸن قامتاماسىز ەتەتٸن گازدى تازارتۋ جٷيەسٸنە قاتىستى قىزمەتتەر كٶرسەتۋدٸ قاراستىرادى.
ەسكە سالايىق, بۇعان دەيٸن قازاقستاندا جاڭا جەو قۇرىلىسىن پۋتيننٸڭ “سانكتسيياعا ۇشىراعان” وليگارح دوستارىنىڭ كومپانيياسى قولعا الاتىنى حابارلانعان بولاتىن.
ينتەر راو مەلٸمدەۋٸنشە, “ينتەر راو - ەكسپورت” كومپانيياسىنىڭ قازاقستانداعى جوبالارعا قاتىسۋى EPC(M) مەردٸگەرٸ رەتٸندە قاراستىرىلادى. ولار قۇرىلىس نىسانىن كەشەندٸ جوبالاۋدى, سالۋدى جەنە پايدالانۋعا بەرۋدٸ قامتاماسىز ەتەدٸ. ياعني, قازاقستاندىق تاپسىرىس بەرۋشٸگە ولاردى جٷزەگە اسىرۋ ٷشٸن قارىزعا كوممەرتسييالىق قارجى تارتۋعا كٶمەكتەسەتٸنٸن جەتكٸزدٸ.
ال “ينتەر راو” - پۋتيننٸڭ دوستارى بوريس كوۆالچۋك پەن يگور سەچينگە تيەسٸلٸ. ەكەۋٸ دە رەسەيدٸڭ ۋكرايناعا جاساعان ەسكەري شابىلۋىنا بايلانىستى حالىقارالىق سانكتسيياعا ۇشىرادى.
سونىمەن قاتار, “ينتەر راو” باقىلايتىن كومپانييالار حالىقارالىق سانكتسييالاردىڭ كەسٸرٸنەن بٸرنەشە رەت ماڭىزدى كەلٸسٸمشارتتان قاعىلعان. وسىلايشا, تامىز ايىنىڭ سوڭىندا امەريكاندىق General Electric (GE) ينتەر راو-مەن گاز تۋربينالارىن ٶندٸرۋدەن باس تارتتى.
