قازاقستانداعى «بۇۇ-ايەلدەر» قۇرىلىمى ق ر اقپارات جانە قوعامدىق دامۋ مينيسترلىگىمەن بىرلەسىپ، ق ر پرەزيدەنتiنiڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات ءجونiندەگi ۇلتتىق كوميسسيانىڭ قولداۋىمەن ترەنينگتەرگە قاتىسۋ ءۇشىن وتىنىشتەردى قابىلداۋدى باستادى، – دەپ حابارلايدى Dalanews.kz.

ترەنينگتىڭ ماقساتى: «توميريس» ءاقپاراتتىق-بىلىم بەرۋ باعدارلاماسىن ىسكە اسىرۋ ءۇشىن ترەنەرلەردى ىرىكتەۋ جانە وقىتۋ، قازاقستانداعى ايەلدەردى شەشىم قابىلداۋ ۇدەرىستەرىنە جانە ەلدىڭ ساياسي ومىرىنە بەلسەندى تارتۋ ماقساتىندا قازاقستانداعى ايەلدەردىڭ باسقارۋشىلىق الەۋەتى مەن ساياسي مادەنيەتىن دامىتۋعا باعىتتالعان.

بىلىكتىلىك تالاپتارى:

- قازاقستان رەسپۋبليكاسىنىڭ 18 جاستان اسقان ازاماتشالار؛

- ترەنينگتەر وتكىزۋ تاجىريبەسى كەمىندە 2 جىل؛

- ارتىقشىلىعى رەتىندە گەندەرلىك تەڭدىكتى نەمەسە ادام قۇقىقتارىن ىلگەرىلەتۋ سالاسىنداعى تاجىريبەسىنىڭ بولۋى؛

- كوماندادا جۇمىس ىستەۋ داعدىلارى؛

- ارتىقشىلىعى رەتىندە سايلاۋ ناۋقاندارىنداعى ءبىلىم مەن تاجىريبەسىنىڭ بولۋى.

ترەنينگتىڭ ءوتۋ فورماتى: ترەنينگ كۇندىزگى فورماتتا وتەدى. تۇراتىن جەر،  تاماقتانۋ، ترەنينگ وتكىزىلەتىن جەرگە دەيىنگى كولىك شىعىستارىن ترەنينگتىڭ ۇيىمداستىرۋشىلارى وتەيدى.

ءوتىنىش بەرۋ الگوريتمى:

➢ http://ttomiris.tilda.ws/ سايتىندا ءوتىنىمدى تولتىرۋ؛

➢ تۇيىندەمەنى تىركەۋ؛

➢ 2 مينۋتتىق قىسقاشا ءوزىڭىز بەن ومىرلىك، كاسىبي ماقساتتارىڭىز تۋرالى باياندايتىن بەينە حابارلامانى جازۋ؛

وتىنىمدەردى قابىلداۋ 2022 جىلعى 15 قازانعا دەيىن جۇزەگە اسىرىلادى.

وتەتىن كۇنى مەن ورنى: استانا ق.  2022 جىلعى 1-5 قاراشا