قازاقستاندا ەگٸن سۋارۋ ٷشٸن جەراستى سۋىن پايدالاناتىن شارۋالاردىڭ سالىعىن ازايتۋ ۇسىنىلدى. بۇل مەسەلە سالىق كودەكسٸن ەنگٸزۋ جٶنٸندەگٸ جوبالىق كەڭسەنٸڭ وتىرىسىندا تالقىلاندى, دەپ حابارلايدى dalanews.kz.
سۋ رەسۋرستارى جەنە يرريگاتسييا مينيسترلٸگٸ شارۋالار پايدالانعان جەراستى سۋىنىڭ ەر تەكشە مەترٸ ٷشٸن سالىقتى 2,6 تەڭگە ەتٸپ بەلگٸلەۋدٸ ۇسىندى. سونداي-اق اگرارلاردى جەراستى سۋىن پايدالانۋ قۇقىعىن العان كەزدە تٶلەنەتٸن بٸر رەتتٸك تٶلەمنەن بوساتۋ ۇسىنىلىپ وتىر.
قازٸر قازاقستانداعى جەراستى سۋى قورىنىڭ 3,5 پايىزدان ازى عانا پايدالانىلادى. ونىڭ ٸشٸندە ەگٸن سۋارۋعا جۇمسالاتىن ٷلەسٸ 2 پايىزعا دا جەتپەيدٸ.
مينيسترلٸكتٸڭ ەسەبٸنشە, جەراستى سۋى قورىنىڭ 10 پايىزى پايدالانىلسا, شامامەن 116,7 مىڭ گەكتار سۋارمالى جەردٸ اۋىل شارۋاشىلىعى اينالىمىنا قوسۋعا بولادى.
پرەمەر-مينيستردٸڭ ورىنباسارى سەرٸك جۇمانعارين جەراستى سۋى قورىنىڭ قانشالىقتى جىلدام قالپىنا كەلەتٸنٸن جەنە تابيعاتقا زييان كەلتٸرمەي قانشا سۋ الۋعا بولاتىنىن قوسىمشا ەسەپتەۋدٸ تاپسىردى.
