Qazaqstanda egin sýarý úshin jerasty sýyn paidalanatyn sharýalardyń salyǵyn azaitý usynyldy. Bul másele Salyq kodeksin engizý jónindegi jobalyq keńseniń otyrysynda talqylandy, dep habarlaidy dalanews.kz.
Sý resýrstary jáne irrigatsiia ministrligi sharýalar paidalanǵan jerasty sýynyń ár tekshe metri úshin salyqty 2,6 teńge etip belgileýdi usyndy. Sondai-aq agrarlardy jerasty sýyn paidalaný quqyǵyn alǵan kezde tólenetin bir rettik tólemnen bosatý usynylyp otyr.
Qazir Qazaqstandaǵy jerasty sýy qorynyń 3,5 paiyzdan azy ǵana paidalanylady. Onyń ishinde egin sýarýǵa jumsalatyn úlesi 2 paiyzǵa da jetpeidi.
Ministrliktiń esebinshe, jerasty sýy qorynyń 10 paiyzy paidalanylsa, shamamen 116,7 myń gektar sýarmaly jerdi aýyl sharýashylyǵy ainalymyna qosýǵa bolady.
Premer-ministrdiń orynbasary Serik Jumanǵarin jerasty sýy qorynyń qanshalyqty jyldam qalpyna keletinin jáne tabiǵatqa ziian keltirmei qansha sý alýǵa bolatynyn qosymsha esepteýdi tapsyrdy.
