قازاقستاندا ەلەۋمەتتٸك تٶلەمدەردٸ زاڭسىز الۋ ٷشٸن قولدانىلعان جالعان ەڭبەك قاتىناستارىنىڭ اۋقىمدى سحەمالارى انىقتالدى. تەكسەرۋ قورىتىندىسى بويىنشا ەلدٸڭ بٸرنەشە ٶڭٸرٸندە قىلمىستىق ٸستەر قوزعالدى, دەپ حابارلايدى dalanews.kz.
مەملەكەتتٸك ەلەۋمەتتٸك ساقتاندىرۋ قورى جٷرگٸزگەن مونيتورينگ بارىسىندا ازاماتتاردىڭ مٸندەتتٸ ەلەۋمەتتٸك ساقتاندىرۋ جٷيەسٸندەگٸ تالاپتاردى اينالىپ ٶتۋ ٷشٸن جالعان جۇمىسقا ورنالاسۋ فاكتٸلەرٸ انىقتالعان. ۆەدومستۆو مەلٸمەتٸنشە, مۇنداي سحەمالار ارقىلى ازاماتتاردىڭ تابىسى قولدان كٶتەرٸلٸپ كٶرسەتٸلگەن. سونىڭ نەتيجەسٸندە ەلەۋمەتتٸك تٶلەمدەردٸ زاڭسىز الۋعا مٷمكٸندٸك تۋعان.
4 مىڭنان استام ادام كٷمەندٸ ەڭبەك قاتىناستارىنا تارتىلعان
قور دەرەگٸنە سەيكەس, مۇنداي سحەمالارعا قاتىسى بار 258 كەسٸپكەرلٸك سۋبەكتٸسٸ انىقتالعان. سونىمەن قاتار 4,4 مىڭنان استام ازامات جالعان ەڭبەك قاتىناستارىنا تارتىلعانى بەلگٸلٸ بولدى.
13 ٶڭٸردە قىلمىستىق ٸستەر قوزعالدى
قازٸرگٸ ۋاقىتتا ەلدٸڭ 13 ٶڭٸرٸندە 38 قىلمىستىق ٸس قوزعالعان. ونىڭ ٸشٸندە توعىز ٸس بويىنشا سوت ٷكٸمٸ شىعىپ ٷلگەرگەن. سوتتار اقتٶبە, ماڭعىستاۋ, قىزىلوردا جەنە شىعىس قازاقستان وبلىستارىنداعى سحەمالاردى ۇيىمداستىرعان 12 ادامدى كٸنەلٸ دەپ تانىدى.
سوتتالعاندارعا 3 جىلدان 5 جىلعا دەيٸن باس بوستاندىعىنان ايىرۋ جازاسى تاعايىندالعان.
تسيفرلىق باقىلاۋ كٷشەيتٸلٸپ جاتىر
ۆەدومستۆو ٶكٸلدەرٸنٸڭ ايتۋىنشا, ەلەۋمەتتٸك-ەڭبەك سالاسىن تسيفرلاندىرۋ كٷمەندٸ وپەراتسييالاردى ەرتە كەزەڭدە انىقتاۋعا مٷمكٸندٸك بەرٸپ وتىر. قازٸر جٷيەدە دەرەكتەر ناقتى ۋاقىت رەجيمٸندە سالىستىرىلىپ, تەكسەرٸلەدٸ. بۇل ەلەۋمەتتٸك تٶلەمدەردٸ زاڭسىز الۋ ەرەكەتتەرٸن جەدەل انىقتاۋعا كٶمەكتەسەدٸ.
