باس پروكۋراتۋرا جانىنداعى زاڭسىز شىعارىلعان اكتيۆتەردى قايتارۋ كوميتەتىنىڭ اتاۋى وزگەرەدى. بۇل تۋرالى پرەزيدەنت قاسىم-جومارت توقايەۆ حالىققا جولداۋىندا مالىمدەدى، دەپ حابارلايدى Dalanews.kz.
"مەنىڭ ويىمشا، ەندى كوميتەتتىڭ اتاۋىن وزگەرتىپ، ونى ينۆەستورلاردىڭ قۇقىقتارىن قورعاۋ كوميتەتى دەپ اتاۋ قاجەت. ايتا كەتۋ كەرەك، باس پروكۋراتۋرا زاڭسىز اكتيۆ يەلەرىمەن ءتيىمدى جۇمىس جۇرگىزدى. قازىناعا شامامەن 150 ملرد تەڭگە قايتارىلدى"، – دەدى مەملەكەت باسشىسى.
ونىڭ ايتۋىنشا، بۇل قارجىنىڭ ەسەبىنەن 10 مەكتەپ پەن 4 سپورت نىسانى سالىندى، دەنساۋلىق ساقتاۋ نىساندارىنىڭ قۇرىلىسى مەن جاڭعىرتىلۋى جۇرگىزىلدى، سونداي-اق 177 سۋ ينفراقۇرىلىمى نىسانى پايدالانۋعا بەرىلدى.
ەسكە سالا كەتسەك، زاڭسىز اكتيۆتەردى قايتارۋ كوميتەتى 2023 جىلعى 5 قازاندا قۇرىلعان بولاتىن. ونىڭ مىندەتىنە اكتيۆتەردى ىزدەۋ جانە قايتارۋ، وسى سالاداعى حالىقارالىق-قۇقىقتىق ىنتىماقتاستىقتى دامىتۋ، سونداي-اق ەكونوميكالىق رەسۋرستاردىڭ زاڭسىز شوعىرلانۋىنا جانە اكتيۆتەردىڭ ەلدەن زاڭسىز شىعارىلۋىنا ىقپال ەتەتىن سەبەپتەر مەن جاعدايلاردى انىقتاۋ جانە جويۋ كىردى.
