قازاقستاندا ٷش جىلدا تۇرعىن ٷي باعاسى قالاي ٶزگەردٸ?

2023 جىلدان بەرٸ قازاقستانداعى تۇرعىن ٷي باعاسى دوللارمەن ەسەپتەگەندە 15,05 پايىزعا, ال تەڭگەمەن ەسەپتەگەندە 25,14 پايىزعا ٶسكەن, دەپ حابارلايدى dalanews.kz.

ەلوردادا قايتالاما نارىقتاعى تۇرعىن ٷيدٸڭ بٸر شارشى مەترٸنٸڭ باعاسى 2023 جىلعى ماۋسىمداعى 1341 دوللاردان 2026 جىلى 1491 دوللارعا دەيٸن كٶتەرٸلگەن. ٶسٸم - 11,15 پايىز.

ال الماتىدا بٸر شارشى مەتردٸڭ باعاسى 1369 دوللاردان 1536 دوللارعا دەيٸن ٶسٸپ, 167 دوللارعا نەمەسە 12,2 پايىزعا قىمباتتادى.

شىمكەنتتە جاعداي كەرٸسٸنشە. تۇرعىن ٷي باعاسى دوللارمەن ەسەپتەگەندە 0,1 پايىزعا تٶمەندەدٸ. بٸر شارشى مەتردٸڭ قۇنى 8 دوللارعا ارزانداپ, 946 دوللار بولدى.

تەڭگەمەن ەسەپتەگەندە تۇرعىن ٷي باعاسى اتىراۋ قالاسىندا ٶسكەن. مۇندا بٸر شارشى مەتردٸڭ قۇنى 52,14 پايىزعا ٶسٸپ, 506 464 تەڭگەگە جەتتٸ.

ەكٸنشٸ ورىندا پاۆلودار تۇر. بۇل قالادا تۇرعىن ٷي باعاسى 31,03 پايىزعا ٶسٸپ, بٸر شارشى مەترٸ 463 923 تەڭگە بولدى.

ٷشتٸكتٸ تٷركٸستان تٷيٸندەدٸ. مۇندا بٸر شارشى مەتردٸڭ باعاسى 28,54 پايىزعا ٶسٸپ, 381 952 تەڭگەگە جەتتٸ.