2023 jyldan beri Qazaqstandaǵy turǵyn úi baǵasy dollarmen eseptegende 15,05 paiyzǵa, al teńgemen eseptegende 25,14 paiyzǵa ósken, dep habarlaidy dalanews.kz.
Elordada qaitalama naryqtaǵy turǵyn úidiń bir sharshy metriniń baǵasy 2023 jylǵy maýsymdaǵy 1341 dollardan 2026 jyly 1491 dollarǵa deiin kóterilgen. Ósim - 11,15 paiyz.
Al Almatyda bir sharshy metrdiń baǵasy 1369 dollardan 1536 dollarǵa deiin ósip, 167 dollarǵa nemese 12,2 paiyzǵa qymbattady.
Shymkentte jaǵdai kerisinshe. Turǵyn úi baǵasy dollarmen eseptegende 0,1 paiyzǵa tómendedi. Bir sharshy metrdiń quny 8 dollarǵa arzandap, 946 dollar boldy.
Teńgemen eseptegende turǵyn úi baǵasy Atyraý qalasynda ósken. Munda bir sharshy metrdiń quny 52,14 paiyzǵa ósip, 506 464 teńgege jetti.
Ekinshi orynda Pavlodar tur. Bul qalada turǵyn úi baǵasy 31,03 paiyzǵa ósip, bir sharshy metri 463 923 teńge boldy.
Úshtikti Túrkistan túiindedi. Munda bir sharshy metrdiń baǵasy 28,54 paiyzǵa ósip, 381 952 teńgege jetti.
