قازاقستاندا تۇرمەدە جازاسىن وتەۋشىلەردى اسىراۋعا تاۋلىگىنە 2261 تەڭگەدەن بولىنەدى، - دەپ حابارلايدى Dalanews.kz "ۇلىسمەدياعا" سىلتەپ.
"قۇتقارۋ" قوعامدىق قورىنىڭ مالىمەتىنشە، قازاقستاندا بارلىعى سوتتالىپ تۇرمەدە وتىرعاندار، ۋاقىتشا قاماۋ يزولياتورىنداعىلار سانى 34-تەن 38 مىڭ ادام ارالىعىندا.
قور ولاردى ۇستاۋعا جىلىنا 28 ملرد تەڭگە جۇمسايدى دەپ ەسەپتەپ شىعارعان. بۇل رەتتە جازانى ورىنداۋ جۇيەسىنىڭ ءوزى 6-دان 20 ميلليارد تەڭگەگە دەيىنگى مولشەردە قارجىلاندىرىلماعان.
تۇرمە تۇرعىندارىن 10 پايىز قىسقارتۋعا جانە مەملەكەتتىك بيۋدجەتكە قاراجات بولۋگە باعىتتالعان جوبانى جۇزەگە اسىرۋ ۇسىنىلىپ وتىر.
الدىن الا ەسەپتەۋلەر بويىنشا بۇل جىلىنا شامامەن 2،8 ميلليارد تەڭگەنى ۇنەمدەۋگە مۇمكىندىك بەرەدى.
