قازاقستاندا تٶرتٸنشٸ بٸر ۇيالى بايلانىس وپەراتورى پايدا بولۋى مٷمكٸن. بۇل تۋرالى تسدياٶم ۆيتسە-مينيسترٸ اسحات ورازبەك 21 قاڭتاردا ٷكٸمەتتە ٶتكەن بريفينگ بارىسىندا مەلٸمدەدٸ, دەپ جازادى Dalanews.kz.
ەگەر قولدانىستاعى بايلانىس وپەراتورلارى قازاقستاندىقتاردىڭ قىزمەت كٶرسەتۋ ساپاسىنا جەنە تاريفتەر دەڭگەيٸنە دەگەن قاجەتتٸلٸكتەرٸن قاناعاتتاندىرا الماسا, وندا ولاردىڭ ورنىن باسقاسى باسۋى مٷمكٸن. بٸراق ەكٸ جىلدان كەيٸن.
ۆيتسە-مينيستردٸڭ ايتۋىنشا, قازٸرگٸ ۋاقىتتا ۆەدومستۆو قاتارلىق ينۆەستورعا Tele2 جەنە Altel-دٸ ساتۋ جٶنٸندەگٸ مەمٸلەگە "ٷلكەن ٷمٸت ارتىپ وتىر", سەبەبٸ بۇل قازاقستاندىق بايلانىس وپەراتورلارى اراسىنداعى بەسەكەلەستٸكتٸ كٷشەيتۋٸ تيٸس.
- بۇل ارادا مەسەلە ولاردىڭ قانداي قادامدار جاسايتىندىعىندا. الداعى التى ايدا بۇل جاعى انىق بولادى دەپ ويلايمىن. ەگەر ەشقانداي ٶزگەرٸس بولماسا, بٸزدە جاڭا وپەراتور ٷشٸن جيٸلٸك جولاقتارى دايىن تۇر. ەكٸ جىلدان كەيٸن قىزمەت كٶرسەتۋ ساپاسى قاناعاتتىندىرىلماسا, وندا سونى نارىققا شىعارۋعا دايىن بولامىز, — دەدٸ اسحات ورازبەك.
ونىڭ پٸكٸرٸنشە, قازٸر قازاقستاندىق وپەراتورلار ٶز ابونەنتتەرٸنٸڭ سۇرانىستارىن ەسكەرە وتىرىپ, نارىقتاعى پوزيتسييالارىن ساقتاپ قالۋعا نازار اۋدارۋى قاجەت.
- بٸزدە ۇيالى بايلانىس نارىعىندا بٸراز ۋاقىت دۋوپولييا بولىپ كەلەدٸ. وليگوپولييا سيياقتى دۋوپولييا دا جاقسى نەرسە ەمەس, سوندىقتان جاسالعان مەمٸلەدەن بٸز ٷلكەن ٷمٸت ارتامىز, ٶيتكەنٸ بٸز تاريفتەردٸ رەتتەي المايمىز. بٸراق بٸز نارىقتىڭ كٶرٸنبەيتٸن قولى سانالاتىن ٷش تەۋەلسٸز ۇيالى بايلانىس وپەراتورى اراسىنداعى ٶزارا بەسەكەلەستٸككە سٷيەنەمٸز, بۇل بايلانىس ساپاسىن ارتتىرادى. ونىڭ باعاعا دا ەسەر ەتەتٸنٸنە سەنٸمدٸمٸز. ەستەرٸڭٸزدە بولسا, العاش Tele2 نارىققا شىققان كەزدە ولار تاريفتەرٸن كٷرت تٶمەندەتتٸ, سودان كەيٸن Kcell مەن Beelineدا باعانى تٷسٸرۋگە مەجبٷر بولدى. سوندىقتان بٸز الدان وسىنداي نەتيجە كٷتەمٸز, - دەپ اتاپ ٶتتٸ ۆيتسە-مينيستر.
ايتا كەتسەك, "قازاقتەلەكوم" مەن PIH Communication LLC اراسىنداعى Tele2 جەنە Altel ۇيالى بايلانىس جەلٸسٸن ساتۋ بويىنشا مەمٸلە 2025 جىلدىڭ 14 قاڭتارىندا اياقتالدى.
