ۇلتتىق قاۋٸپسٸزدٸك كوميتەتٸ مەلٸمەتٸنشە, سەۋٸر-مامىر ايلارىندا تەرگەلگەن قىلمىستىق ٸستەر اياسىندا تەرروريزم جەنە ەكسترەميزمگە قاتىستى قىلمىستار ٷشٸن 13 ادام سوتتالعان, دەپ حابارلايدى dalanews.kz.
ولاردىڭ اراسىندا استانا تۇرعىنى دا بار. تەرگەۋ دەرەگٸنە سٷيەنسەك, ول ەلەۋمەتتٸك جەلٸدە تەرروريستٸك يدەولوگييانى ناسيحاتتاپ, ادامداردى تەرروريستٸك ايماقتارعا بارۋعا ٷگٸتتەگەن. سوت ونى 8 جىلعا باس بوستاندىعىنان ايىردى.
سونداي-اق, شىمكەنت قالاسىنىڭ تۋماسى قازاقستاندا تەوكراتييالىق مەملەكەت قۇرۋعا شاقىرىپ, تەرروريزم يدەيالارىن تاراتقانى ٷشٸن كٸنەلٸ دەپ تانىلدى. سوت وعان 7 جىلعا باس بوستاندىعىنان ايىرۋ جازاسىن تاعايىندادى.
بۇدان بٶلەك, استانا, الماتى, شىمكەنت قالالارىندا جەنە اتىراۋ, اقتٶبە, جامبىل, قاراعاندى, تٷركٸستان, اباي وبلىستارىندا ەكسترەميزم مەن تەرروريزمگە قاتىستى قىلمىستار جاسادى دەگەن كٷدٸكپەن 11 ادام ۇستالعان. ولاردىڭ قاتارىندا ەكٸ شەتەل ازاماتى مەن شەتەلدەن ەكستراديتسييالانعان ٷش قازاقستاندىق بار.
ۇقك مەلٸمەتٸنشە, كٷدٸكتٸلەر ەكسترەميستٸك ماتەريالدار تاراتتى, ادامداردى تەرروريستٸك ايماقتارعا بارۋعا جەنە ٶز كٶزقاراستارىمەن كەلٸسپەيتٸندەرگە قارسى زورلىق-زومبىلىق جاساۋعا ٷندەدٸ دەگەن كٷدٸككە ٸلٸنگەن. قازٸر سوتقا دەيٸنگٸ تەرگەۋ جالعاسىپ جاتىر.
