ەلٸمٸزدە "قورقىت اتا" جاڭا ارنايى ەكونوميكالىق ايماعى (اەا) قۇرىلدى. تيٸستٸ قاۋلىعا پرەمەر-مينيستر ولجاس بەكتەنوۆ قول قويدى. قۇجاتقا سەيكەس, اەا قىزىلوردا وبلىسىندا "باتىس ەۋروپا – باتىس قىتاي" حالىقارالىق كٶلٸك دەلٸزٸنە جاقىن 550 گەكتار اۋماقتا ورنالاسادى, دەپ حابارلايدى Dalanews.kz.
ارنايى ەكونوميكالىق ايماق اۋماعىندا زاماناۋي ٶنٸمدٸلٸگٸ جوعارى, بەسەكەگە قابٸلەتتٸ ٶندٸرٸستەردٸ جەدەل دامىتۋ, قىزمەت كٶرسەتۋدٸڭ ساپالى جاڭا دەڭگەيٸن قالىپتاستىرۋ, ينۆەستيتسييا تارتۋ, ەكونوميكا سالاسىندا جاڭا تەحنولوگييالار ەنگٸزۋ, سونداي-اق حالىقتى جۇمىسپەن قامتۋدى ارتتىرۋ ٷشٸن مٷمكٸندٸكتەر جاساۋ جوسپارلانۋدا. اەا-نىڭ "باتىس ەۋروپا – باتىس قىتاي" حالىقارالىق كٶلٸك دەلٸزٸنە جاقىندىعى قازاقستان مەن ورتالىق ازييا نارىقتارىندا ٶنٸمدٸ تيٸمدٸ ٶتكٸزۋگە مٷمكٸندٸك بەرەدٸ.
اەا اۋماعىندا سالىقتىق جەنە كەدەندٸك جەڭٸلدٸكتەر ۇسىنا وتىرىپ, ارنايى قۇقىقتىق رەجيم ەرەكەت ەتەتٸن بولادى.
2049 جىلعا قاراي اەا-عا سالىناتىن ينۆەستيتسييانىڭ جالپى كٶلەمٸن 150 ملرد تەڭگەگە, شەتەلدٸك سالىمداردى – 80 ملرد تەڭگەگە دەيٸن جەتكٸزۋ جوسپارلانىپ وتىر. تاۋارلار ٶندٸرۋ مەن قىزمەت كٶرسەتۋ كٶلەمٸ 500 ملرد تەڭگە دەڭگەيٸندە بولجانۋدا. قازاقستاندىق قامتۋ ٷلەسٸ – 90%-عا دەيٸن جەتەدٸ.
25 جىل ٸشٸندە اەا كەسٸپورىندارىندا 3 366 جاڭا جۇمىس ورنىن اشۋ كٶزدەلگەن, قاتىسۋشى كومپانييالاردىڭ سانى 39-عا جەتكٸزٸلەدٸ.
سونداي-اق مۋلتيمودالدى ەۋە حابتارىن قۇرۋ جٶنٸندەگٸ ٸس-شارالاردى ٸسكە اسىرۋ شەڭبەرٸندە جەنە كەدەن زاڭناماسىنىڭ تالاپتارىنا سەيكەس, اتالعان قاۋلىمەن "وڭتٷستٸك", "استانا – تەحنوپوليس", "سارىارقا", "Alatau" جەنە "اقتٶبە" اەا-عا پورت ايماقتارى مەرتەبەسٸ بەرٸلدٸ.
