قازاقستاندا قوعامدىق قاۋٸپسٸزدٸك پەن قىلمىستىق قاتەرلەردٸ الدىن الا انىقتاۋعا ارنالعان ارنايى ورتالىق ٸسكە قوسىلدى. بۇل تۋرالى باس پروكۋرور بەرٸك اسىلوۆ مەلٸمدەدٸ, دەپ حابارلايدى dalanews.kz.
ونىڭ ايتۋىنشا, قىلمىستىق قاۋٸپتەر مەن قوعامدىق قاۋٸپسٸزدٸك تەۋەكەلدەرٸن بولجاۋ ورتالىعى تەۋلٸك بويى جۇمىس ٸستەپ, ەلدەگٸ كريمينوگەندٸك احۋالدى تالدايدى, قاۋٸپتٸ ايماقتاردى انىقتاپ, ىقتيمال تەۋەكەلدەردٸ بولجايدى.
بەرٸك اسىلوۆتىڭ مەلٸمەتٸنشە, ٸشكٸ ٸستەر مينيسترلٸگٸ جەنە ٶڭٸر ەكٸمدٸكتەرٸمەن بٸرلەسٸپ, جاساندى ينتەللەكت پەن ۇشقىشسىز تەحنولوگييالاردى قولدانۋ ارقىلى ەل اۋماعىندا 360-تان استام ىقتيمال قاۋٸپتٸ ورىن انىقتالعان. قازٸر بۇل اۋماقتاردا پوليتسييا پاترۋلدەرٸنٸڭ جۇمىسى كٷشەيتٸلگەن.
سونىمەن قاتار «كيبەرنادزور» جٷيەسٸ ەسٸرتكٸنٸ ناسيحاتتاۋ بەلگٸلەرٸ بار 10 مىڭنان استام ماتەريالدى بۇعاتتاعان. ونىڭ ٸشٸندە التى مىڭنان استام ەسٸرتكٸ ساتاتىن ينتەرنەت-دٷكەن انىقتالىپ, قىزمەتٸ توقتاتىلعان.
باس پروكۋرور سوڭعى جىلدارى العاش رەت ينتەرنەت-الاياقتىقتىڭ ٶسۋ قارقىنىن تٶمەندەتۋگە قول جەتكٸزٸلگەنٸن اتاپ ٶتتٸ. ونىڭ سٶزٸنشە, مۇنداي قىلمىستار سانى 9 پايىزعا ازايعان.
«بٸرلەسكەن جۇمىستاردىڭ نەتيجەسٸندە بٸر ميلليوننان استام كٷمەندٸ قوڭىراۋ بۇعاتتالىپ, شەتەلدە جۇمىس ٸستەگەن 12 الاياقتىق call-ورتالىعىنىڭ قىزمەتٸ توقتاتىلدى», – دەدٸ بەرٸك اسىلوۆ.
ايتا كەتەيٸك, بيىل قاڭتار ايىندا مەملەكەت باسشىسى قۇقىق قورعاۋ ورگاندارىنىڭ كەڭەيتٸلگەن وتىرىسىندا قازاقستاندا كيبەرقىلمىستاردىڭ تەك ەربٸر بەسٸنشٸسٸ عانا اشىلاتىنىن سىنعا العان بولاتىن. وسىعان بايلانىستى پرەزيدەنت باس پروكۋراتۋراعا كيبەرقاۋٸپتەرمەن كٷرەس تەسٸلدەرٸن قايتا قاراۋدى تاپسىرعان ەدٸ.
