باعدارلامانى ق ر وقۋ-اعارتۋ مينيسترلىگىنە قاراستى «Talap» كوممەرسيالىق ەمەس اكسيونەرلىك قوعامى (كاسىپتىك ءبىلىم بەرۋدى دامىتۋ ورتالىعى) ماقۇلداعان. بۇل قازاقستاننىڭ ءبىلىم بەرۋ جۇيەسىنە ەنگىزىلگەن العاشقى قىتايلىق كاسىپتىك ءبىلىم بەرۋ باعدارلاماسى.

 

جوبا جۇڭگو مەن قازاقستان اراسىنداعى ءبىلىم بەرۋ سالاسىنداعى ىنتىماقتاستىقتىڭ جاڭا كەزەڭىن بىلدىرەدى. سونىمەن قاتار، ول «جۇڭگو – ورتالىق ازيا» فورماتىنداعى باستامالاردى جۇزەگە اسىرۋعا جانە «ءبىر بەلدەۋ، ءبىر جول» ستراتەگياسى اياسىنداعى سەرىكتەستىكتى نىعايتۋعا باعىتتالعان.

 

باعدارلامانى ازىرلەۋ بارىسىندا سيان تەمىرجول كاسىپتىك-تەحنيكالىق ينستيتۋتى قازاقستان مەن ورتالىق ازيا ەلدەرىندەگى كاسىپتىك ءبىلىم بەرۋ تالاپتارىن جان-جاقتى زەرتتەگەن. ەكى ەلدىڭ ساراپشىلارى بىرنەشە كەزەڭدىك تالقىلاۋلار وتكىزىپ، ناتيجەسىندە عىلىمي نەگىزدەلگەن كەلىسىمدەرگە قول جەتكىزگەن.

 

جوبا اياسىندا تەك نەگىزگى ءبىلىم بەرۋ باعدارلاماسى عانا ەمەس، قوسىمشا وقۋ ماتەريالدارى دا ازىرلەندى. اتاپ ايتقاندا:

 

قازىرگى ۋاقىتتا نەگىزگى باعدارلاما بارلىق تەكسەرۋلەردەن ءوتىپ، رەسمي تۇردە قازاقستاندا قولدانۋعا ماقۇلدانعان.

 

سيان تەمىرجول كاسىپتىك-تەحنيكالىق ينستيتۋتى 1956 جىلى قۇرىلعان جانە قىتايدىڭ سولتۇستىك-باتىس وڭىرىندەگى جەتەكشى تەحنيكالىق وقۋ ورىندارىنىڭ ءبىرى سانالادى. بۇگىندە مۇندا 40-قا جۋىق ماماندىق بويىنشا 16 مىڭنان استام ستۋدەنت ءبىلىم الادى، ال وقىتۋشىلار سانى 700-دەن اسادى. جىل سايىن وقۋ ورنى كولىك سالاسىنا شامامەن 5 مىڭ بىلىكتى مامان دايارلايدى.

 

ينستيتۋت سوڭعى جىلدارى حالىقارالىق ارىپتەستىكتى بەلسەندى دامىتىپ، قازاقستاندى قوسا العاندا، سەگىز ەلمەن بايلانىس ورناتقان.

 

الداعى كەزەڭدە ازىرلەنگەن وقۋ ماتەريالدارى قازاقستاننىڭ ءبىلىم بەرۋ پلاتفورمالارىنا ەنگىزىلىپ، وقۋ پروسەسىندە قولدانىلاتىن بولادى. بۇل رەسۋرستار الماتى كولىك جانە كوممۋنيكاسيالار كوللەدجى مەن الماتى ەنەرگەتيكا جانە بايلانىس ۋنيۆەرسيتەتى سياقتى جەتەكشى وقۋ ورىندارىنىڭ باعدارلامالارىنا بەيىمدەلىپ ەنگىزىلەدى.

 

ساراپشىلاردىڭ پىكىرىنشە، بۇل باستاما قازاقستاننىڭ تەمىرجول سالاسىنا قاجەتتى زاماناۋي كادرلاردى دايارلاۋعا جانە كاسىپتىك ءبىلىم بەرۋ جۇيەسىن حالىقارالىق دەڭگەيگە جاقىنداتۋعا مۇمكىندىك بەرەدى.