قازاقستاندا پسيحولوگتاردىڭ قىزمەتٸن رەتتەيتٸن "پسيحولوگييالىق قىزمەت تۋرالى" زاڭ سەناتتىڭ ماقۇلداۋىنان ٶتٸپ, پرەزيدەنتتٸڭ قول قويۋىنا جولداندى. بۇل تۋرالى مەجٸلٸس دەپۋتاتى اسحات ايماعامبەتوۆ مەلٸمدەدٸ, دەپ حابارلايدى dalanews.kz.
دەپۋتاتتىڭ ايتۋىنشا, وسى ۋاقىتقا دەيٸن ٶزٸن پسيحولوگ رەتٸندە تانىستىرىپ, ديپلومسىز ەرٸ كەسٸبي دايىندىعى جوق ادامداردىڭ قىزمەتٸنە زاڭ جٷزٸندە توسقاۋىل بولماعان.
"جالعان پسيحولوگتاردىڭ دەۋرەنٸ بٸتتٸ. بٷگٸن بٸزدٸڭ “پسيحولوگييالىق قىزمەت تۋرالى” اۆتورلىق زاڭىمىز سەناتتان سەتتٸ ٶتٸپ, پرەزيدەنتتٸڭ قول قويۋىنا جٸبەرٸلدٸ”, – دەدٸ اسحات ايماعامبەتوۆ.
ونىڭ سٶزٸنشە, بۇعان دەيٸن كٷيزەلٸسكە تٷسكەن ازاماتتار ەلەۋمەتتٸك جەلٸدەن كٷمەندٸ سەرتيفيكاتى بار ادامداردى تاۋىپ, ولاردىڭ قىزمەتٸنە جٷگٸنگەنٸمەن, كٶپ جاعدايدا جاعدايى ودان ەرٸ كٷردەلەنە تٷسكەن.
“سالا زاڭمەن رەتتەلمەگەندٸكتەن, ولار ەشقانداي جاۋاپقا تارتىلمايتىن. ەندٸ بۇل ٶزگەرەدٸ”, – دەدٸ دەپۋتات.
جاڭا زاڭعا سەيكەس, ەندٸ جوعارى بٸلٸمٸ جوق جەنە بٸرىڭعاي مەملەكەتتٸك رەەسترگە تٸركەلمەگەن ادامدارعا ٶزٸن "پسيحولوگ" دەپ اتاۋعا تىيىم سالىنادى. سونداي-اق ولار "پسيحو-كوۋچ", "پسيحو-كەڭەسشٸ" سەكٸلدٸ اتاۋلاردى جارنامادا پايدالانا المايدى.
“ەندٸ ارنايى جوعارى بٸلٸمٸ جوق جەنە بٸرىڭعاي مەملەكەتتٸك رەەسترگە تٸركەلمەگەن ادامدارعا ٶزٸن “پسيحولوگ” دەپ اتاۋعا زاڭمەن تىيىم سالىنادى. كەز كەلگەن ازامات ماماننىڭ رەەستردە بار-جوعىن وڭاي تەكسەرە الادى”, – دەدٸ ايماعامبەتوۆ.
سونىمەن قاتار پسيحولوگتار ەلەۋمەتتٸك جەلٸلەردەگٸ پاراقشالارىندا رەەستردەگٸ نٶمٸرٸ مەن بٸلٸمٸ تۋرالى مەلٸمەتتٸ جارييالاۋعا مٸندەتتەلەدٸ. ال "بٸر كٷندە مەسەلەنٸ شەشەمٸن" نەمەسە "100 پايىز نەتيجە بەرەمٸن" دەگەن سەكٸلدٸ جالعان جارنامالار ٷشٸن جاۋاپكەرشٸلٸك قاراستىرىلعان.
زاڭدا دەپرەسسييا, پسيحولوگييالىق جاراقات پەن مازاسىزدىق سيياقتى كٷردەلٸ مەسەلەلەرمەن تەك كەسٸبي بٸلٸمٸ بار مامانداردىڭ اينالىسۋىنا رۇقسات بەرٸلەدٸ. بۇدان بٶلەك, پسيحولوگتارعا مەديتسينالىق دياگنوز قويۋعا, دەرٸ-دەرمەك تاعايىنداۋعا نەمەسە پسيحواكتيۆتٸ ەدٸستەردٸ قولدانۋعا تىيىم سالىنادى. مۇنداي جاعدايدا ولار پاتسيەنتتٸ پسيحياتر دەرٸگەرگە جولداۋعا مٸندەتتٸ.
سونداي-اق قۇجات پسيحولوگ پەن كليەنت اراسىنداعى كەسٸبي قۇپييانى زاڭمەن قورعايدى. ازاماتتىڭ جازباشا كەلٸسٸمٸنسٸز ونىڭ جەكە مەلٸمەتتەرٸن جارييالاۋعا, بەينە نەمەسە اۋديوعا تٷسٸرۋگە جول بەرٸلمەيدٸ.
“مەملەكەت ادامنىڭ پسيحيكالىق ساۋلىعى تۇرمىستىق قىزمەت ەمەس, ٶتە جاۋاپتى ٸس ەكەنٸن زاڭمەن بەكٸتتٸ. مٸندەتٸمٸز – كٶمەك ٸزدەگەن ەر وتانداسىمىزعا قاۋٸپسٸز, ساۋاتتى ەرٸ كەسٸبي جٷيەنٸ ۇسىنۋ”, – دەدٸ مەجٸلٸس دەپۋتاتى.
