قازاقستاندا وتاندىق تاۋار ٶندٸرۋشٸلەر تۋرالى بٸرىڭعاي تسيفرلىق پلاتفورما جىل سوڭىنا دەيٸن ٸسكە قوسىلادى. بۇل تۋرالى ٷكٸمەت وتىرىسىنان كەيٸن ٶتكەن باسپاسٶز مەسليحاتىندا ساۋدا جەنە ينتەگراتسييا مينيسترٸ ارمان شاققاليەۆ مەلٸمدەدٸ, دەپ حابارلايدى dalanews.kz.
مينيستردٸڭ ايتۋىنشا, قازٸرگٸ ۋاقىتتا ٶنەركەسٸپ سالاسىنداعى ەرٸپتەستەر وتاندىق تاۋار ٶندٸرۋشٸلەردٸڭ تٸزٸمٸن قالىپتاستىرۋ جۇمىستارىن جٷرگٸزٸپ جاتىر. ال ساۋدا مينيسترلٸگٸ ەزٸرلەپ جاتقان QazTrade Retail پلاتفورماسى قازاقستاندىق ٶنٸمدەردٸ ساۋدا جەلٸلەرٸندە ٸلگەرٸلەتۋگە باعىتتالعان.
«بٸز قازٸر QazTrade Retail پلاتفورماسىن ەزٸرلەپ جاتىرمىز. ونىڭ نەگٸزگٸ ماقساتى “قازاقستاندا جاسالعان” ٶنٸمدەر تۋرالى تولىق اقپاراتتى ساۋدا جەلٸلەرٸنە ۇسىنۋ. كٶپ جاعدايدا دٷكەندەر بەلگٸلٸ بٸر ٶنٸمنٸڭ ەلٸمٸزدە ٶندٸرٸلەتٸنٸن بٸلمەيدٸ. مىسالى, جۋعىش زاتتاردى نەمەسە باسقا دا تۇرمىستىق تاۋارلاردى شىعاراتىن كەسٸپورىنداردىڭ بار-جوعىن سۇراپ جاتادى. سوندىقتان بۇل پلاتفورما وتاندىق ٶندٸرۋشٸلەر تۋرالى ناقتى اقپارات بەرەتٸن بٸرىڭعاي بازاعا اينالادى. سونىمەن قاتار ول دٷكەندەردٸڭ سٶرەلەرٸندەگٸ وتاندىق ٶنٸم ٷلەسٸنە قويىلاتىن تالاپتاردىڭ ورىندالۋىن باقىلاۋعا مٷمكٸندٸك بەرەدٸ. پلاتفورمانى جىل سوڭىنا دەيٸن تانىستىرۋدى جوسپارلاپ وتىرمىز», - دەدٸ ارمان شاققاليەۆ.
مينيستردٸڭ سٶزٸنشە, ٶندٸرۋشٸلەردٸ تٸزٸمگە ەنگٸزۋ كەزٸندە ٶندٸرٸستٸك پروتسەستەرگە قاتىستى ناقتى تالاپتار قولدانىلادى.
«ەر سالانىڭ ٶز ەرەكشەلٸگٸنە قاراي تەحنولوگييالىق تالاپتارى بار. مىسالى, ماشينا جاساۋ سالاسىندا دەنەكەرلەۋ, سىرلاۋ سيياقتى نەگٸزگٸ ٶندٸرٸستٸك وپەراتسييالاردىڭ قازاقستان اۋماعىندا ورىندالۋى مٸندەتتٸ. جالپى تالاپتار تەحنولوگييالىق پروتسەستٸڭ ناقتى ورىندالۋىنا نەگٸزدەلەدٸ. وسى كريتەرييلەر ارقىلى ٶنٸمنٸڭ شىن مەنٸندە وتاندىق ٶندٸرٸس ەكەنٸ انىقتالادى», - دەدٸ مينيستر.
باسپاسٶز مەسليحاتىندا اۋىل شارۋاشىلىعى ۆيتسە-مينيسترٸ ازات سۇلتانوۆ كومپيۋتەرلٸك تەحنيكا ٶندٸرۋشٸلەرگە قاتىستى قويىلعان سۇراققا دا جاۋاپ بەردٸ.
ونىڭ ايتۋىنشا, قازاقستاندا شىعارىلاتىن تەحنيكا تٷرلەرٸنٸڭ تٸزٸمٸ جىل سايىن كەڭەيٸپ كەلەدٸ جەنە وعان تسيفرلىق جٷيەلەرمەن جۇمىس ٸستەيتٸن تەحنيكا دا ەنگٸزٸلگەن.
«قازٸرگٸ ۋاقىتتا قازاقستاندا شىعارىلاتىن تەحنيكالاردىڭ ٷلكەن تٸزٸمٸ بار. ونىڭ ٸشٸندە ەلەمدٸك برەندتەردٸڭ ەلٸمٸزدە قۇراستىرىلاتىن تەحنيكاسى دا بار. سونىمەن قاتار اۋىل شارۋاشىلىعىنا ارنالعان جاڭا تسيفرلىق جابدىقتاردى قازاقستاندا ٶندٸرۋ بويىنشا بٸرنەشە ينۆەستيتسييالىق جوبا ٸسكە اسىرىلىپ جاتىر. بٸز مۇنداي ٶندٸرٸستەردٸ كەزەڭ-كەزەڭٸمەن دامىتۋدى كٶزدەپ وتىرمىز», - دەدٸ ازات سۇلتانوۆ.
ول تولىق تسيكلمەن ٶنٸم شىعاراتىن كەسٸپورىندار مەن يمپورتتىق بٶلشەكتەردەن تەحنيكا قۇراستىراتىن كومپانييالاردىڭ بٸر تٸزٸمدە كٶرسەتٸلەتٸنٸن ايتتى.
«يە, ولار بٸر تٸزٸمدە بولادى. قازاقستاندا شىعارىلاتىن تەحنيكالاردىڭ تٸزٸمٸ قولدانىستاعى ەرەجەلەردە جەنە تيٸستٸ اقپاراتتىق رەسۋرستاردا جارييالانادى. سونىمەن قاتار ينۆەستيتسييالىق سۋبسيدييالاۋ قاعيدالارىنا تسيفرلىق پاسپورت ەنگٸزٸلەدٸ. وندا اۋىل شارۋاشىلىعى تاۋارىن ٶندٸرۋشٸلەرگە قاجەت تەحنيكالاردىڭ تولىق تٸزٸمٸ قامتىلادى. وسى تٸزٸمگە ەنگٸزٸلگەن تەحنيكانى ساتىپ العان جاعدايدا ينۆەستيتسييالىق سۋبسيدييا الۋ مٷمكٸندٸگٸ قاراستىرىلعان», - دەدٸ ۆيتسە-مينيستر.
