قازاقستاندا قۇرعاقشىلىق بولۋى مۇمكىن ايماقتار سانى كوبەيدى، - دەپ حابارلايدى Dalanews.kz.
جالپى 2024 جىلدىڭ شىلدە ايىندا قازاقستان اۋماعىندا ىلعالدانۋ جاعدايى كوبىنەسە كوپجىلدىق ماندەرگە جۋىق بولادى دەپ كۇتىلۋدە، الايدا اتموسفەرالىق قۇرعاقشىلىقتىڭ باستالۋ ءقاۋپى بار اۋماقتاردىڭ اۋدانى ۇلعايۋدا.
مىنا وڭىرلەردە قۇرعاقشىىق بولۋى مۇمكىن:
- قوستاناي وبلىسىنىڭ امانگەلدى جانە جانگەلدى اۋداندارىندا؛
- اقتوبە وبلىسىنىڭ ايتەكە بي اۋدانىندا، بايعانين، ويىل، حرومتاۋ جانە شالقار اۋداندارىندا؛
- قاراعاندى وبلىسىنىڭ شەت اۋدانىندا؛
- ۇلىتاۋ وبلىسىنىڭ ۇلىتاۋ جانە جاڭاارقا اۋداندارىندا؛
- الماتى وبلىسىنىڭ بالقاش جانە جامبىل اۋداندارىندا؛
- جامبىل وبلىسىنىڭ مويىنقۇم، جۋالى جانە ت. رىسقۇلوۆ اۋداندارىندا؛
- تۇركىستان وبلىسىنىڭ ارىس، سوزاق، قازىعۇرت، تۇركىستان، وتىرار جانە بايدىبەك اۋداندارىندا؛
- قىزىلوردا وبلىسىنىڭ ارال، قازالى، قارماقشى، شيەلى اۋداندارىندا؛
- ماڭعىستاۋ وبلىسىنىڭ بەينەۋ، ماڭعىستاۋ جانە قاراقيا اۋداندارىندا؛
- جانە اتىراۋ وبلىسىنىڭ باسىم بولىگىندە.
شىلدە ايىندا ءبىرقالىپتى ىلعالدى جاعداي سولتۇستىك قازاقستان وبلىسىنىڭ تايىنشا اۋدانىندا، اقمولا وبلىسىنىڭ ساندىقتاۋ، بۋراباي، استراحان اۋداندارىندا جانە ستەپنوگروسك قالاسىندا كۇتىلەدى.
ەلدىڭ قالعان اۋماعىندا ىلعالدانۋ جاعدايى وسى اي ءۇشىن ءبىرقالىپتى جاعدايعا جۋىق بولادى دەپ كۇتىلىپ وتىر.
