قازاقستاندا مۇناي ٶندٸرۋ كٶلەمٸن ۇلعايتۋ, جاڭا گاز قۇبىرلارىن سالۋ جەنە ەلەكتر ەنەرگيياسى تاپشىلىعىن ازايتۋعا باعىتتالعان جوبالار جٷزەگە اسىرىلىپ جاتىر, دەپ حابارلايدى dalanews.kz.
ٷكٸمەت وتىرىسىندا ەنەرگەتيكا مينيسترٸ ەرلان اقكەنجەنوۆتٸڭ ايتۋىنشا, بيىلعى قاڭتار–ماۋسىم ايلارىندا ەلدە 45,7 ملن توننا مۇناي ٶندٸرٸلگەن. بۇل ٶتكەن جىلدىڭ سەيكەس كەزەڭٸنٸڭ 91,6%-ىن قۇرايدى.
مينيستردٸڭ ايتۋىنشا, قازٸرگٸ ۋاقىتتا ٸرٸ جەر قويناۋىن پايدالانۋشىلارمەن مۇناي ٶندٸرۋ كٶلەمٸن ۇلعايتۋ بويىنشا كەلٸسسٶزدەر جٷرگٸزٸلۋدە. بۇعان دەيٸن قىسقارتىلعان ٶندٸرٸس كٶلەمٸن قالپىنا كەلتٸرۋ ٷشٸن قاشاعان كەن ورنىنداعى جوسپارلى جٶندەۋ جۇمىستارى كەيٸنگە شەگەرٸلگەن. بۇل قوسىمشا 2 ملن تونناعا دەيٸن مۇناي ٶندٸرۋگە مٷمكٸندٸك بەرەدٸ. نەتيجەسٸندە ەل بويىنشا ٶندٸرٸس شىعىنى 4,9 ملن توننادان 3,3 ملن تونناعا دەيٸن قىسقارعان. جىل قورىتىندىسىندا قازاقستاندا 98 ملن توننا مۇناي ٶندٸرۋ جوسپارلانىپ وتىر.
التى ايدا مۇناي ٶڭدەۋ كٶلەمٸ 8,98 ملن توننانى قۇرادى. جىل سوڭىنا دەيٸن بۇل كٶرسەتكٸشتٸ 18,2 ملن تونناعا جەتكٸزۋ كٶزدەلگەن. بۇل ٸشكٸ نارىقتى جانار-جاعارمايمەن تۇراقتى قامتاماسىز ەتۋگە جەنە مۇناي ٶنٸمدەرٸنٸڭ يمپورتقا تەۋەلدٸلٸگٸن ازايتۋعا مٷمكٸندٸك بەرەدٸ.
گاز سالاسىندا ەسەپتٸ كەزەڭدە 31,4 ملرد تەكشە مەتر گاز ٶندٸرٸلدٸ. جىل سوڭىنا دەيٸن ٶندٸرٸس كٶلەمٸ 64,5 ملرد تەكشە مەترگە جەتەدٸ دەپ بولجانۋدا.
مينيستردٸڭ ايتۋىنشا, گاز سالاسىنداعى ماڭىزدى جوبالاردىڭ بٸرٸ – «بەينەۋ – بوزوي – شىمكەنت» ماگيسترالدىق گاز قۇبىرىنىڭ ەكٸنشٸ جەلٸسٸنٸڭ بٸرٸنشٸ كەزەڭٸن اياقتاۋ. قۇرىلىس بيىل اياقتالادى دەپ جوسپارلانىپ وتىر. جوبا ٸسكە اسقاننان كەيٸن ەلٸمٸزدٸڭ وڭتٷستٸك جەنە ورتالىق ٶڭٸرلەرٸن گازبەن تۇراقتى قامتاماسىز ەتۋ مٷمكٸندٸگٸ ارتىپ, جاڭا ٶندٸرٸستەر مەن تۇرعىن ٷيلەردٸ گازداندىرۋعا جاعداي جاسالادى.
تاۋارلىق گاز ٶندٸرٸسٸ التى ايدا 12,2 ملرد تەكشە مەتردٸ قۇرادى. جىل قورىتىندىسىندا بۇل كٶرسەتكٸش 27,5 ملرد تەكشە مەترگە جەتەدٸ دەپ كٷتٸلۋدە.
كٶمٸر سالاسىندا دا ٶسٸم بايقالادى. قاڭتار–ماۋسىم ايلارىندا 58,9 ملن توننا كٶمٸر ٶندٸرٸلٸپ, ٶتكەن جىلدىڭ سەيكەس كەزەڭٸمەن سالىستىرعاندا 12,4%-عا ارتتى. جىل سوڭىنا دەيٸن ٶندٸرٸس كٶلەمٸ 128,9 ملن تونناعا, ال ەكسپورت 33,2 ملن تونناعا دەيٸن جەتكٸزٸلەدٸ دەپ جوسپارلانعان.
ەلەكتر ەنەرگەتيكاسى سالاسىندا التى ايدا 63,4 ملرد كيلوۆاتت-ساعات ەلەكتر ەنەرگيياسى ٶندٸرٸلدٸ. جىل سوڭىنا دەيٸن بۇل كٶرسەتكٸش 126,5 ملرد كيلوۆاتت-ساعاتقا جەتەدٸ دەپ كٷتٸلۋدە.
ەلەكتر ەنەرگيياسى تاپشىلىعىن تٶمەندەتۋ ماقساتىندا بيىل جالپى قۋاتى 2,66 گۆت بولاتىن جاڭا ەنەرگەتيكالىق جوبالار ٸسكە اسىرىلادى. ولاردىڭ قاتارىندا الماتى جەو-2 جەنە جەو-3-تٸ جاڭعىرتۋ, تٷركٸستان وبلىسىندا بۋ-گاز ەلەكتر ستانتسيياسىن سالۋ, اتىراۋ جەو-دا جاڭا تۋربواگرەگات پەن قازاندىقتى ٸسكە قوسۋ, تەكەلٸ ەنەرگەتيكالىق كەشەنٸن كەڭەيتۋ, سونداي-اق جالپى قۋاتى 245,8 مۆت بولاتىن جاڭارتىلاتىن ەنەرگييا كٶزدەرٸنٸڭ جوبالارى بار.
بٷگٸنگٸ تاڭدا قىزىلوردا وبلىسىندا قۋاتى 240 مۆت بولاتىن بۋ-گاز قوندىرعىسى پايدالانۋعا بەرٸلدٸ. سونىمەن قاتار جالپى قۋاتى 212,6 مۆت بولاتىن جەتٸ جاڭارتىلاتىن ەنەرگييا جوباسى ٸسكە قوسىلدى.
مينيستردٸڭ مەلٸمەتٸنشە, جاڭارتىلاتىن ەنەرگييا كٶزدەرٸ التى ايدا 5,1 ملرد كيلوۆاتت-ساعات ەلەكتر ەنەرگيياسىن ٶندٸرگەن. بۇل ٶتكەن جىلدىڭ سەيكەس كەزەڭٸمەن سالىستىرعاندا 21,2%-عا جوعارى. جىل سوڭىنا دەيٸن بۇل كٶرسەتكٸش 8,8 ملرد كيلوۆاتت-ساعاتقا جەتەدٸ دەپ كٷتٸلۋدە.
ەنەرگەتيكا مينيسترلٸگٸنٸڭ مەلٸمەتٸنشە, اتالعان جوبالاردىڭ ٸسكە اسۋى قازاقستاننىڭ ەنەرگييا قاۋٸپسٸزدٸگٸن كٷشەيتٸپ, ٶڭٸرلەردٸ گازبەن جەنە ەلەكتر ەنەرگيياسىمەن تۇراقتى قامتاماسىز ەتۋگە, ٶندٸرٸس كٶلەمٸن ۇلعايتۋعا, جاڭا جۇمىس ورىندارىن اشۋعا جەنە حالىق ٷشٸن ەنەرگييامەن جابدىقتاۋدىڭ سەنٸمدٸلٸگٸن ارتتىرۋعا مٷمكٸندٸك بەرەدٸ.
