قازاقستاندا يزرايلدٸڭ ۇلتتىق سۋ كومپانيياسى Mekorot-تىڭ ەلدەگٸ سۋ جوبالارىنا قاتىسۋىنا قاتىستى پەتيتسييا العاشقى 50 قولدى جيناپ, مەملەكەتتٸك مودەراتسيياعا جٸبەرٸلدٸ, دەپ حابارلايدى dalanews.kz.
پەتيتسييا «وتستويم ۆودنۋيۋ نەزاۆيسيموست كازاحستانا» دەگەن اتاۋمەن ePetition پلاتفورماسىندا جارييالانعان. اۆتوردىڭ ايتۋىنشا, باستاما قازاقستاننىڭ ستراتەگييالىق سۋ رەسۋرستارىنا قاتىستى تەۋەلسٸزدٸگٸن قورعاۋ جەنە سۋ سالاسىنداعى شەتەلدٸك كومپانييالاردىڭ قاتىسۋىنا بايلانىستى ىقتيمال تەۋەكەلدەردٸ قوعام تالقىسىنا شىعارۋ ماقساتىندا كٶتەرٸلگەن.
بۇل مەسەلە Mekorot-تىڭ قازاقستانداعى سۋ سالاسىنا قاتىستى جوبالارعا قاتىسۋى تۋرالى اقپاراتتىڭ تارالۋىنان كەيٸن ٶزەكتٸ بولا تٷستٸ. كومپانييا ٶكٸلدەرٸ بۇعان دەيٸن قازاقستان تاراپىمەن سۋ رەسۋرستارىن باسقارۋ, ينفراقۇرىلىمدى جاڭعىرتۋ, سۋدى ٷنەمدەۋ جەنە سۋ جٷيەلەرٸن تسيفرلاندىرۋ باعىتتارىن تالقىلاعان. اتاپ ايتقاندا, 2026 جىلدىڭ قاڭتارىندا Mekorot ٶكٸلدەرٸ الماتىداعى سۋ رەسۋرستارىن كەشەندٸ باسقارۋدىڭ باس جوسپارىنا قاتىستى جۇمىستارعا قاتىسقان. سونىمەن قاتار تٷركٸستان وبلىسىندا سۋ ينفراقۇرىلىمىن دامىتۋ مەسەلەلەرٸ بويىنشا كەزدەسۋلەر ٶتكەن.
پەتيتسييا اۆتورىن الاڭداتىپ وتىرعان نەگٸزگٸ مەسەلە — شەتەلدٸك كومپانييانىڭ تەحنولوگييا, تسيفرلىق جٷيەلەر, دەرەكتەردٸ ساقتاۋ, تەحنيكالىق قىزمەت كٶرسەتۋ نەمەسە ينفراقۇرىلىمدى باسقارۋ تەتٸكتەرٸنە تەۋەلدٸلٸك تۋىنداۋ مٷمكٸندٸگٸ. ياعني ەڭگٸمە تەك سۋ قۇبىرلارى نەمەسە ينفراقۇرىلىم تۋرالى ەمەس, ستراتەگييالىق رەسۋرسقا قاتىستى تەحنولوگييالىق جەنە باسقارۋشىلىق تەۋەلسٸزدٸك تۋرالى بولىپ وتىر.
سونىمەن بٸرگە قازٸرگٸ تاڭدا Mekorot قازاقستاننىڭ سۋ رەسۋرستارىن نەمەسە الماتىنىڭ سۋ جٷيەسٸن ٶز باقىلاۋىنا الدى دەگەن رەسمي راستالعان اقپارات جوق. بۇعان دەيٸن مۇنداي مەلٸمدەمەلەر فاكتچەك ماتەريالدارىندا دا جوققا شىعارىلعان. سوندىقتان پەتيتسيياداعى مەسەلە ناقتى بەرٸلگەن باقىلاۋ قۇقىعىنان گٶرٸ, بولاشاقتاعى ىنتىماقتاستىقتىڭ شارتتارى مەن ونىڭ ىقتيمال تەۋەكەلدەرٸنە قاتىستى.
پەتيتسييا اۆتورى Threads جەلٸسٸندەگٸ باستامانىڭ العاشقى 50 قولدى جيناپ, مودەراتسيياعا ٶتكەنٸن حابارلادى. ونىڭ ايتۋىنشا, ەندٸ پەتيتسييا بويىنشا مەملەكەتتٸك ورگان ونى قاراۋعا تيٸس.
