قازاقستاندا كٷن سايىن بالالارعا قاتىستى 5 قىلمىس فاكتٸسٸ تٸركەلەدٸ. ٶكٸنٸشتٸسٸ, ولاردىڭ كٶبٸ ٶز جاقىندارى تاراپىنان جاسالادى. قىلمىستاردىڭ الدىن الۋ قيىن بولىپ وتىرعانى دا وسىدان. بۇل جايىندا قر بالا قۇقىقتارى جٶنٸندەگٸ ۋەكٸلٸ دينارا زاكيەۆا ايتىپ بەردٸ, دەپ حابارلايدى Dalanews.kz.
«ٶكٸنٸشكە قاراي, ەلٸمٸزدە كٷن سايىن بالالارعا قارسى 5 قىلمىس فاكتٸسٸ تٸركەلەدٸ. بۇل قىلمىستاردىڭ 60-70%-ى ٶز اتا-انالارى نەمەسە بٸرگە تۇراتىن ادامدار تاراپىنان جاسالادى. وسى قىلمىستار ٷيدە جاسالۋىنىڭ سەبەبٸنەن ولاردىڭ الدىن الۋ مەن انىقتاۋ ٶتە قيىن. مەملەكەت باسشىسىنىڭ تاپسىرماسىمەن قابىلدانعان زاڭدارعا سەيكەس, پروفيلاكتيكاعا قاتىستى بٸرنەشە مەحانيزمدەر ەنگٸزٸلدٸ. ەر اۋداندا وتباسىن قولداۋ ورتالىقتارى اشىلدى», - دەدٸ بالا قۇقىقتارى جٶنٸندەگٸ ۋەكٸل «تٷيٸن» باعدارلاماسىنا بەرگەن سۇحباتىندا.
الدىن الۋ جۇمىستارىنىڭ اياسىندا بىلتىر ەلدە 29 مىڭ اتا-انا جاۋاپكەرشٸلٸككە تارتىلعان. 1126 اتا-انا قۇقىعىنان ايىرىلىپ, 661-ٸنٸڭ اتا-انا بولۋ قۇقىقتارى شەكتەلگەن. قولعا الىنعان شارالاردىڭ نەتيجەسٸندە بالالارعا قارسى جاسالاتىن اسا اۋىر جەنە اۋىر قىلمىستاردىڭ سانى ازايعان. مىسالى, 99-باپ بويىنشا 10%-عا, 106-باپتىڭ 3-بٶلٸمٸ بويىنشا قىلمىستاردىڭ سانى 54%-عا ازايدى. الايدا, بىلتىر قازاقستاندا بالالار اراسىنداعى قىلمىستاردىڭ سانى 30%-عا ٶسكەن.
«ولاردىڭ 70%-ى قارجى مەسەلەلەرٸنە قاتىستى, 20%-ى جەكە تۇلعاعا قاتىستى جاسالعان قىلمىستار. وسى قىلمىستار بۋللينگتەن باستالادى. بۋللينگتٸڭ الدىن الۋ ٷشٸن مەكتەپتەردە «دوسبولLIKE», «ادال ازامات» باعدارلامالارى ەنگٸزٸلدٸ», - دەدٸ دينارا زاكيەۆا
2025 جىلى قازاقستاندا بالا قۇقىعىن بۇزۋعا قاتىستى 171 دەرەك تٸركەلدٸ. «111» سەنٸم تەلەفونىنا 124 600 قوڭىراۋ تٷستٸ. بىلتىر يۋنيسەف ۇيىمى جٷرگٸزگەن ساراپتامالىق زەرتتەۋدە ەلٸمٸزدە بالا قۇقىعى رەسمي دەرەكتە كٶرسەتٸلگەننەن ەلدەقايدا جيٸ بۇزىلاتىنى انىقتالدى.
«ەرينە, بۇل باعىتتا جۇمىستى جٷرگٸزٸپ, مەحانيزمدٸ جەتٸلدٸرۋ كەرەك. سول سەبەپتەن «قازاقستان بالالارى» باعدارلاماسى اياسىندا وسى مەحانيزمدەردٸ جەتٸلدٸرۋ ٷشٸن مامانداردى وقىتۋ, قولداۋ سونىمەن قاتار ولاردىڭ جۇمىسىنا ستاندارتتاردى ەنگٸزۋ ٷشٸن ناقتى شارالار كٶزدەلگەن. مىسالى, قامقورشى ماماندار مەن پسيحولوگتاردىڭ جالاقىسى ٶسەدٸ», - دەپ قورىتىندىلادى ومبۋدسمەن.
