استانا پوليتسييا دەپارتامەنتٸ كاسپيي قۇبىر كونسورتسيۋمىنا (كتك) زاقىم كەلۋٸنە قاتىستى ازاماتتاردىڭ تەرٸس پٸكٸر بٸلدٸرۋ فاكتٸسٸ بويىنشا الدىن الا تەرگەۋ باستادى. بۇل ٸس قر قىلمىستىق كودەكسٸنٸڭ 174-بابى 1-بٶلٸمٸ (ۇلت ارالىق ارازدىقتى قوزدىرۋ) بويىنشا قاراستىرىلىپ وتىر, دەپ حابارلايدى Dalanews.kz.
"2025 جىلعى 17 جەلتوقساندا استانا قالاسى پوليتسييا دەپارتامەنتٸ ازاماتتاردىڭ كاسپيي قۇبىر كونسورتسيۋمىنا قاتىستى تەرٸس پٸكٸر بٸلدٸرۋ فاكتٸسٸ بويىنشا قر قك 174-بابى 1-بٶلٸمٸ بويىنشا الدىن الا تەرگەۋ باستادى. الدىن الا تەرگەۋ بارىسىندا, كٷدٸكتٸلەردٸ انىقتاۋ جەنە ولاردىڭ كٸنەسٸن دەلەلدەۋ شارالارى جٷرگٸزٸلٸپ جاتىر. تەرگەۋ قورىتىندىسى بويىنشا ولاردىڭ ەرەكەتتەرٸنە قۇقىقتىق باعا بەرٸلٸپ, پروتسەسسۋالدىق شەشٸم قابىلدانادى", - دەدٸ باس پروكۋرور بەرٸك اسىلوۆ دەپۋتات ايدوس سارىمنىڭ ساۋالىنا بەرگەن جاۋابىندا.
سونىمەن قاتار ول بۇعان دەيٸن قر باس پروكۋراتۋراسى بۇقارالىق اقپارات قۇرالدارىندا جالعان اقپارات پەن زاڭعا قارسى ماتەريالداردى تاراتۋعا جول بەرٸلمەيتٸندٸگٸ, سونداي-اق مۇنداي ەرەكەتتەر ٷشٸن قىلمىستىق جەنە ەكٸمشٸلٸك جاۋاپكەرشٸلٸك بار ەكەنٸ ەسكەرتٸلگەنٸن ايتتى. مۇنداي تٷسٸندٸرۋ جۇمىستارى ايماقتىق پروكۋرورلار تاراپىنان تۇراقتى تٷردە جٷرگٸزٸلەدٸ.
ايتۋىنشا, مەدەنيەت جەنە اقپارات مينيسترلٸگٸ دە ازاماتتار اراسىندا, ونىڭ ٸشٸندە كٶتەرٸلگەن مەسەلەلەر بويىنشا, تٷسٸندٸرۋ جۇمىستارىن باق ارقىلى جٷرگٸزٸپ جاتىر جەنە ۆەدومستۆو بۇل تۋرالى ٶزدٸگٸنەن حابار بەرەدٸ.
