قورعانىس مينيسترلٸگٸ ەسكەرگە شاقىرۋ جاسىنداعى ازاماتتارعا قاتىستى رەيدتەر جٷرگٸزۋگە قاتىستى تٷسٸنٸك بەردٸ, - دەپ حابارلايدى Dalanews.kz قورعانىس مينيسترلٸگٸنە سٸلتەپ.
بۇقارالىق اقپارات قۇرالدارى مەن ەلەۋمەتتٸك جەلٸلەردە جاستاردى ەرٸكسٸز ۇستاپ الىپ, جەرگٸلٸكتٸ ەسكەري باسقارۋ ورگاندارىنا جەتكٸزٸپ جاتقان بەينەماتەريالدار تاراي باستاعان.
وسىعان بايلانىستى قورعانىس مينيسترلٸگٸ جىلىنا ەكٸ رەت (كٶكتەمگٸ جەنە كٷزگٸ ەسكەرگە شاقىرۋ) جٷزەگە اسىرىلاتىن ەسكەري قىزمەتكە شاقىرۋدىڭ قولدانىستاعى تەرتٸبٸن تٷسٸندٸرۋگە ٶكٸلەتتٸ.
شاقىرۋ ناۋقاندارى بارىسىندا كەيبٸر ازاماتتاردىڭ ەسكەري قىزمەتتەن جالتارىپ, جەرگٸلٸكتٸ ەسكەري باسقارۋ ورگاندارىنا ۋاقىتىلى كەلمەۋ فاكتٸلەرٸ بايقالادى.
سونىمەن قاتار, ەسكەرگە شاقىرۋ جاسىنداعى ازاماتتاردى ەسەپكە الۋدا دا قيىندىقتار تۋىندايدى. ٶيتكەنٸ ولاردىڭ كٶپشٸلٸگٸ تٸركەلگەن جەرٸندە تۇرمايدى. ال قونىس اۋدارعان جاعدايدا جاڭا تۇرعىلىقتى مەكەنجايىنا تٸركەلمەيدٸ.
قولدانىستاعى زاڭناماعا سەيكەس شاقىرۋ قاعازىن ەسكەرگە شاقىرىلۋشىنىڭ جەكە ٶزٸنە تاپسىرۋ مٷمكٸن بولماعان كەزدە ونىڭ كەلۋٸن قامتاماسىز ەتۋ ٸشكٸ ٸستەر ورگاندارىنا جٷكتەلەدٸ.
رەيد كەزٸندە كەيبٸر ازاماتتار ٸشكٸ ٸستەر ورگاندارى قىزمەتكەرلەرٸنٸڭ زاڭدى تالاپتارىنا باعىنباي, قارسىلىق كٶرسەتٸپ جاتادى. مۇنداي جاعدايدا پوليتسييا قىزمەتكەرلەرٸ ولاردى مەجبٷرلٸ تٷردە ۇستاپ, شاقىرۋ پۋنكتٸنە جەتكٸزۋدٸ جٷزەگە اسىرۋعا قۇقىلى.
شاقىرۋ كوميسسيياسى جەتكٸزٸلگەن ادامداردىڭ مەرتەبەسٸن سول جەردە انىقتايدى. مەرزٸمدٸ ەسكەري قىزمەتكە شاقىرۋعا نەگٸز بولماعان جاعدايدا ولاردى ٷيٸنە جٸبەرەدٸ. ال شاقىرۋعا نەگٸز بولسا, مەديتسينالىق كوميسسييادان ٶتۋگە جەنە شاقىرۋ شەڭبەرٸندەگٸ باسقا دا ٸس-شارالاردى ٶتكٸزۋگە جٸبەرەدٸ.
ەسكە سالايىق, مەرزٸمدٸ ەسكەري قىزمەتكە شاقىرۋدان جالتارعانى ٷشٸن زاڭنامادا ەكٸمشٸلٸك جەنە قىلمىستىق جاۋاپكەرشٸلٸك قاراستىرىلعان.
