قازاقستاندىق كٶلٸك جٷرگٸزۋشٸلەرٸ ٶزدەرٸ جاساماعان قۇقىقبۇزۋشىلىقتار ٷشٸن ايىپپۇل الىپ جاتقاندارىن ايتىپ شاعىمداندى. ساراپشىلاردىڭ پٸكٸرٸنشە, بۇل – جول قوزعالىسىن باقىلاۋ كامەرالارىنىڭ كٶلٸك نٶمٸرلەرٸن قاتە تانۋىنا بايلانىستى. مۇنداي جاعدايدا ايىپپۇلمەن كەلٸسپەي, ونى جويۋعا بولادى, دەپ حابارلايدى Dalanews.kz 31 ارناعا سٸلتەمە جاساپ.
ايشا قوشەمان ەسٸمدٸ جٷرگٸزۋشٸگە جىلدامدىقتى اسىردى دەگەن ايىپپەن ايىپپۇل جٶنٸندە حابارلاما كەلگەن. الايدا ونىڭ ايتۋىنشا, سول كٷنٸ ول مٷلدە كٶلٸك جٷرگٸزبەگەن.
“سول كٷنٸ قالادان شىقپاعان سوڭ, eOtinish ارقىلى ٶتٸنٸش جازدىم. ايىپپۇلدى جويىپ بەردٸ, ەشتەڭە تٶلەمەدٸم”, – دەيدٸ ول.
ايشا بۇل مەسەلەنٸ جىلدام ەرٸ قيىندىقسىز شەشە العان. بٸراق مۇنداي جولى بولا بەرمەيتٸندەر دە بار. كەيدە ادامدار جٷيكەسٸن قۇرتىپ, ۋاقىتىن جوعالتىپ, مەن-جايعا ٷڭٸلمەستەن, كەلگەن ايىپپۇلدى بٸردەن تٶلەي سالادى. ال كامەرالاردىڭ جۇمىس ٸستەۋ جٷيەسٸ قاتەلٸكتەن ادا ەمەس.
“ەلەكترونيكا تەك ناقتى سىزىقتار مەن تاڭبالاردى تانۋعا بەيٸمدەلگەن. جارىقتىڭ شاعىلۋى نەمەسە باسقا فاكتورلار ەسەر ەتكەن جاعدايدا, جٷيە كٶلٸكتٸڭ ماركاسىن دا ەلەمەيدٸ. ول نٶمٸردٸ وقىپ, بەلگٸلٸ بٸر فورماتقا سەيكەستەندٸرٸپ, كٶرٸنگەن نەرسەگە ايىپپۇل سالا سالادى”, – دەيدٸ “جالپى جول” قاۋٸپسٸز جول قوزعالىسى قاۋىمداستىعىنىڭ پرەزيدەنتٸ ارسەن شاكۋوۆ.
ال ٸشكٸ ٸستەر مينيسترلٸگٸ مۇنداي جاعدايلاردا قاساقانا نيەت جوق ەكەنٸن ايتىپ, بارلىق داۋلى مەسەلەلەر زاڭ شەڭبەرٸندە شەشٸلەتٸنٸن ەسكەرتەدٸ.
