«ۋتيلدىك الىم – وتە اۋىر تاقىرىپ. ونىڭ اۋقىمىن وسى كومپانيانىڭ بەنەفيسيارلارى شارتتى تۇردە تاپقان 500 ملن تەڭگە بويىنشا عانا ەمەس، ەلىمىز بويىنشا جۇزدەگەن مىڭ اۆتوموبيلدەردىڭ شەتەلدىك – ارمەنيا، رەسەي جانە قىرعىزستان تىركەۋىندە ەكەندىگىمەن دە باعالاۋعا بولادى.
ياعني، ءبىر كەدەن وداعىندا ءبىرىڭعاي كەدەندىك مولشەرلەمەلەر كەزىندە بىزگە قازاقستاندا كولىك ساتىپ الۋ ءتيىمسىز، ويتكەنى باعاسى تىم قىمبات. ارمەنياعا بارىپ، سول جەردەن كولىك اكەلىپ جانە ونى ەسەپكە الماۋ الدەقايدا ءتيىمدى بولعان»، - دەدى ت. قالييەۆ نۇر-سۇلتانداعى ۇلتتىق قوعامدىق سەنىم كەڭەسى مۇشەلەرىنىڭ وتىرىسىنان كەيىن تىلشىلەرگە بەرگەن سۇحباتىندا.
تالعات قالييەۆتىڭ پىكىرىنشە، اۆتوموبيلدەردىڭ شامادان تىس قىمباتتىعى اۆتوكولىك پاركىن جاڭارتۋعا، اپات سانى مەن جولدارداعى ولىم-جىتىمگە دە ىقپال ەتىپ وتىر. ونىڭ سوزىنشە، الداعى ۋاقىتتا كولىك قۇنى الدەقايدا تومەندەيتىن بولادى.
«سۇراقتار وتە كوپ. ءبىراق ەڭ باستىسى – بۇل ونداعان مىڭ ادام جۇمىس ىستەيتىن، اۆتوموبيلدەردى جەكە يمپورتتاۋمەن، ساتۋمەن اينالىساتىن تۇتاس سالانى ءولتىردى. بۇل وزگەرىستەر وسى سالانى جانداندىرادى، كوپتەگەن جۇمىس ورىندارىن قۇرۋعا جانە كولىك قۇنىن تومەندەتۋگە كومەكتەسەدى دەپ ۇمىتتەنەمىن. ياعني، بۇل تۇتىنۋ باعالارىنىڭ يندەكسىمەن جانە ينفلياسيامەن تىكەلەي بايلانىستى بولادى»، - دەدى تالعات قالييەۆ.
ەسكە سالا كەتسەك، مەملەكەت باسشىسى قاسىم-جومارت توقايەۆ ءماجىلىس وتىرىسىندا ۋتيلدىك الىم ستاۆكالارىن قايتا قاراۋدى تاپسىردى.
قازاقستاندا كادەگە جاراتۋ تولەمدەرىن جينايتىن جەكە مەملەكەتتىك وپەراتور قۇرىلادى.
