قازاقستاندا سيرەك كەزدەسەتٸن تۇياقتى جانۋارلار مەن كيٸكتەردٸڭ سانى جىل سايىن ارتىپ كەلەدٸ. بۇل تۋرالى ورتالىق ازيياداعى كليماتتىڭ ٶزگەرۋٸ جەنە جاسىل ەنەرگەتيكا جٶنٸندەگٸ جوبالىق كەڭسە مەلٸمدەدٸ, دەپ حابارلايدى dalanews.kz.
2025 جىلعى ساناق بويىنشا ەلٸمٸزدەگٸ كيٸكتەردٸڭ جالپى سانى 3 ملن 978 مىڭعا جەتكەن. ونىڭ ٸشٸندە ورال پوپۋلياتسيياسىندا 2,3 ملن, بەتپاقدالادا 1,6 ملن, ٷستٸرتتە 78 مىڭ كيٸك تٸركەلگەن.
سونداي-اق قازاقستاندا 1 240 توعاي بۇعىسى, 16 122 قاراقۇيرىق, 4 702 قۇلان جەنە 17 604 ارقار بار.
"قازاقستاندا سيرەك كەزدەسەتٸن تۇياقتى جانۋارلار مەن كيٸكتەر سانى جىل سايىن ارتىپ كەلەدٸ. ەلٸمٸزدە جابايى جانۋارلاردى تاريحي مەكەنٸنە قايتا جەرسٸندٸرۋ باعىتىندا جٷيەلٸ جۇمىس جٷرگٸزٸلٸپ جاتىر", - دەلٸنگەن جوبالىق كەڭسە حابارلاماسىندا.
قۇلان پوپۋلياتسيياسىن قالپىنا كەلتٸرۋ اياسىندا 66 جانۋار جاڭا اۋماقتارعا كٶشٸرٸلگەن. ونىڭ 42-سٸ "ٸلە-بالقاش" رەزەرۆاتىنا, 24-ٸ "التىن دالا" رەزەرۆاتىنا جٸبەرٸلدٸ.
قوستاناي وبلىسىنىڭ وڭتٷستٸگٸندەگٸ "التىن دالا" تابيعي رەزەرۆاتى اۋماعىندا 2017 جىلى قۇرىلعان جابايى تۇياقتى جانۋارلاردى جەرسٸندٸرۋ ورتالىعىندا قازٸر 14 پرجەۆالسكيي جىلقىسى بار. ونىڭ 12-سٸ – بيە, ەكەۋٸ – ايعىر. 2029 جىلدىڭ سوڭىنا دەيٸن تاعى 40 جىلقى ەكەلۋ جوسپارلانىپ وتىر.
ەلٸمٸزدە جەكدۋاداق سانى دا كٶبەيگەن. 2025 جىلى اتالعان قۇستىڭ سانى 16 487-گە جەتتٸ. ولار بٸرنەشە قورىق ايماعى مەن قاۋمالدا مەكەندەيدٸ.
بۇعان قوسا, قازاقستاندا حح عاسىردىڭ ورتاسىندا جويىلىپ كەتكەن تۇران جولبارىسىن تابيعاتقا قايتارۋ باعدارلاماسى جٷزەگە اسىرىلىپ جاتىر. جوبا ٷشٸن تۇران جولبارىسىنا گەنەتيكالىق تۇرعىدان ەڭ جاقىن امۋر جولبارىستارى تاڭدالعان. نەگٸزگٸ جەرسٸندٸرۋ الاڭى رەتٸندە بالقاش ماڭىنداعى «ٸلە-بالقاش» مەملەكەتتٸك تابيعي رەزەرۆاتى بەلگٸلەندٸ.
"جولبارىستارعا تۇراقتى قورەك قورىن قالىپتاستىرۋ ٷشٸن رەزەرۆات اۋماعىنا قۇلان, قاراقۇيرىق جەنە قاباندار جٸبەرٸلدٸ. 2026 جىلعى تامىزدا ٷمٸت ەسٸمدٸ العاشقى ۇرعاشى امۋر جولبارىسى تابيعي ورتاعا شىعارىلدى", – دەپ حابارلادى جوبالىق كەڭسە.
جالپى قازاقستان اۋماعىندا ومىرتقالى جانۋارلاردىڭ 835 تٷرٸ مەكەندەيدٸ. ولاردىڭ قاتارىندا سٷتقورەكتٸلەردٸڭ 178, قۇستاردىڭ 489, باۋىرىمەن جورعالاۋشىلاردىڭ 49 جەنە قوسمەكەندٸلەردٸڭ 12 تٷرٸ بار. سيرەك كەزدەسەتٸن ەرٸ جويىلىپ كەتۋ قاۋپٸ تٶنگەن جانۋارلار قاتارىنا ومىرتقالىلاردىڭ 132 تٷرٸ مەن تٷر تارماعى جەنە ومىرتقاسىزداردىڭ 96 تٷرٸ ەنگٸزٸلگەن.
