قازاقستاندا جٷرگٸزۋشٸ كۋەلٸگٸن الۋ تالاپتارى ٶزگەرەدٸ, دەپ حابارلايدى Dalanews.kz.
ەندٸ ازاماتتار جٷرگٸزۋشٸ كۋەلٸگٸن الۋ ٷشٸن ەمتيحاندى اقىلى نەگٸزدە, ارالىقتى كەمٸندە 10 كٷن ساقتاي وتىرىپ, شەكتەۋسٸز تاپسىرا الادى. قازٸر ازاماتتارعا 3 تەگٸن مٷمكٸندٸك بەرٸلەدٸ: العاشقى ەكٸ مٷمكٸندٸك 1 كٷن ارالىقپەن, ٷشٸنشٸسٸ 30 كٷننەن كەيٸن. وسى مٷمكٸندٸكتەر اياقتالعان سوڭ قايتا وقۋ تالاپ ەتٸلەتٸن. بۇل كەيبٸر جاعدايلاردا ازاماتتاردى جٷرگٸزۋشٸ كۋەلٸگٸن زاڭسىز جولمەن الۋعا يتەرمەلەيتٸن.
سونىمەن قاتار, عىلىم جەنە جوعارى بٸلٸم مينيسترلٸگٸ ۇلتتىق تەستٸلەۋ ورتالىعىنىڭ استانا قالاسىنداعى فيليالى بازاسىندا پيلوتتىق جوبا شەڭبەرٸندە وسى ورتالىقتا قولدانىلاتىن اكادەمييالىق ادالدىقتى قامتاماسىز ەتۋ تەحنولوگييالارى سىناقتان ٶتكٸزٸلەدٸ. كەيٸن بۇل تەحنولوگييالاردى جٷرگٸزۋشٸ كۋەلٸگٸن الۋ ٷشٸن تەورييالىق ەمتيحان تاپسىرۋدىڭ بٷكٸل جٷيەسٸندە قولدانۋ جوسپارلانىپ وتىر. تەحنولوگييالاردى اپروباتسييالاۋمەن قاتار, ۇلتتىق تەستٸلەۋ ورتالىعى تەورييالىق ەمتيحان تەستٸلەرٸنە كەشەندٸ پسيحومەترييالىق زەرتتەۋ جٷرگٸزەدٸ.
بۇدان بٶلەك, ەمتيحان ٶتكٸزۋ پروتسەسٸنە جاساندى ينتەللەكت تەحنولوگييالارى ەنگٸزٸلەدٸ. تەورييالىق ەمتيحان قابىلداۋ كەزٸندە تولىقتىرىلعان شىنايىلىق (AR), ال پراكتيكالىق ەمتيحاندى باقىلاۋدا كومپيۋتەرلٸك كٶرۋ (Computer Vision) تەحنولوگيياسى قولدانىلادى. بۇل تىيىم سالىنعان تەحنيكالىق قۇرالداردى پايدالانۋ قاۋپٸن ازايتىپ, زاڭبۇزۋشىلىقتاردى تٸركەۋگە مٷمكٸندٸك بەرەدٸ.
بەسٸنشٸدەن, جٷرگٸزۋشٸ كۋەلٸگٸن الۋعا قاتىستى تسيفرلىق شەشٸمدەردٸڭ اقپاراتتىق قاۋٸپسٸزدٸگٸن بارىنشا كٷشەيتۋ كٶزدەلەدٸ.
ەكٸمشٸلٸك جاۋاپكەرشٸلٸككە قاتىستى نورمالاردى ەنگٸزۋ دە قاراستىرىلعان. بۇل جاۋاپكەرشٸلٸك قىزمەت الۋشىلارعا دا, جٷرگٸزۋشٸ كۋەلٸگٸن زاڭسىز الۋعا جەردەم كٶرسەتەتٸن تۇلعالارعا دا قولدانىلادى. شارالار ەمتيحان تاپسىرۋ پروتسەسٸندە زاڭبۇزۋشىلىقتار انىقتالعان جاعدايدا قابىلدانادى. ولاردىڭ قاتارىنا تىيىم سالىنعان قۇرىلعىلاردى, ميكروقۇلاققاپتاردى, ميكروكامەرالاردى, سونداي-اق, بايلانىس سيگنالدارىن قابىلدايتىن جەنە تاراتاتىن قۇرالداردى پايدالانۋ جاتادى. بۇدان بٶلەك, تەورييالىق ەمتيحان تاپسىرۋ قۇقىعىنان 1 جىلعا ايىرۋ مٷمكٸندٸگٸ ەنگٸزٸلەدٸ.
اۆتومەكتەپتەردٸڭ قىزمەتٸنە قويىلاتىن تالاپتاردى كٷشەيتۋ كٶزدەلەدٸ. ولاردىڭ جۇمىسىن باعالاۋ كەزٸندە جٷرگٸزۋشٸلەردٸ دايارلاۋ ساپاسى مەن ازاماتتاردىڭ كەرٸ بايلانىسى ەسكەرٸلەدٸ. سونداي-اق, ولاردىڭ قىزمەتٸن ليتسەنزييالاۋ جوسپارلانىپ وتىر. جٷرگٸزۋشٸلەردٸ دايارلاۋ ساپاسى تٶمەن بولعان جاعدايدا ليتسەنزييانى تولىق كەرٸ قايتارىپ الۋ شاراسى قاراستىرىلادى.
