2025 جىلى قازاقستاندىقتارعا رەسپۋبليكالىق بيۋدجەتتەن 692 ملرد تەڭگە كولەمىندە بالا تۋۋىنا جانە بالا كۇتىمىنە بايلانىستى جاردەماقىلار تولەندى، دەپ حابارلايدى Dalanews.kz.
وسىلايشا 508 مىڭ ادام قامتىلعان. ال بالا تۋعاندا بەرىلەتىن جاردەماقىنى 2025 جىلدىڭ باسىنان باستاپ رەسپۋبليكالىق بيۋدجەتتەن 286 مىڭ ادام الدى، بارلىعى 51،7 ملرد تەڭگە تولەنگەن. سونىڭ ىشىندە قازاندا 5،2 ملرد تەڭگە كولەمىندە 28،5 مىڭ ادام الدى.
ەسەپتى كەزەڭدە 1،5 جاسقا تولعانعا دەيىن بالا كۇتىمى بويىنشا جاردەماقىمەن 36،4 ملرد تەڭگە سوماسىنا ورتا ەسەپپەن 124،7 مىڭ ادام قامتىلدى، ونىڭ ىشىندە قازاندا 3،7 ملرد تەڭگە كولەمىندە 126،8 مىڭ ادام الدى.
بالا تۋعاندا بەرىلەتىن جاردەماقى مولشەرى:
- ءبىرىنشى، ەكىنشى، ءۇشىنشى بالاعا – 38،0 اەك نەمەسە 149 416 تەڭگە؛
- ءتورتىنشى جانە ودان كەيىنگى بالالارعا – 63،0 اەك نەمەسە 247 716 تەڭگە.
بالا 1،5 جاسقا تولعانعا دەيىن ونىڭ كۇتىمىنە بايلانىستى اي سايىن مىنا مولشەردە تولەنەدى:
- ءبىرىنشى بالاعا – 5،76 اەك نەمەسە 22 648 تەڭگە؛
- ەكىنشى بالاعا – 6،81 اەك نەمەسە 26 777 تەڭگە؛
- ءۇشىنشى بالاعا – 7،85 اەك نەمەسە 30 866 تەڭگە؛
- ءتورتىنشى جانە ودان كەيىنگى بالالارعا – 8،90 اەك نەمەسە 34 995 تەڭگە.
